Yeremia
14 Yehowa asɛm a ɛbaa Yeremia nkyɛn nie. Ɛfa nsuo a antɔ no ho:+
2 Yuda redi awerɛhoɔ,+ na n’apono agogo.
Apono no ayɛ basaa, na atutu agu fam,
Na wɔte nteamu firi Yerusalem.
3 Wɔn mu atitire somaa wɔn nkoa* sɛ wɔnkɔ nsuo mmra.
Wɔkɔɔ nsubɔn* mu, nanso wɔannya nsuo.
Wɔde wɔn nhina san baa kwa.
Wɔn ani awu, wɔn nsa asi fam,
Na wɔakatakata wɔn ti.
5 Wansane a ɔwɔ wuram mpo agya ne mma a wawo wɔn foforɔ hɔ,
Ɛfiri sɛ ɛserɛ biara nni hɔ.
6 Ɛserɛ so mfunumu gyinagyina nkokoɔ a ɛso ayɛ kwabokwabo no so.
Wɔtwe mframa sɛ sakraman;
Nwura a wɔnnya nti, wɔn ani nhunu adeɛ yie.+
Ɛfiri sɛ yɛn mmarato adɔɔso,+
Na wo na yɛayɛ wo bɔne.
8 O Israel anidasoɔ ne n’amanehunu berɛ mu Ɔgyefoɔ,+
Adɛn nti na woayɛ sɛ hɔhoɔ wɔ asaase yi so,
Na woayɛ sɛ kwantuni a ɔsoɛ baabi anadwo?
9 Adɛn nti na woayɛ sɛ ɔbarima a ne ho adwiri no,
Na woayɛ sɛ ɔsabarima a ɔntumi nnye ne man yi?
Nto yɛn ntwene.
10 Deɛ Yehowa aka afa ɔman yi ho nie: “Wɔpɛ akyinkyinakyinkyini;+ wɔn nan ntumi nnyina faako.+ Ɛno nti Yehowa ani nnye wɔn ho bio.+ Afei deɛ, ɔbɛkae wɔn amumuyɛ, na wama wɔabu wɔn bɔne ho akonta.”+
11 Ɛnna Yehowa ka kyerɛɛ me sɛ: “Mmɔ mpaeɛ nsrɛ adepa mma ɔman yi.+ 12 Sɛ wɔyɛ akɔnkyene* a, merentie wɔn sufrɛ;+ sɛ wɔbɔ ɔhyeɛ afɔreɛ ne aduane afɔreɛ a, m’ani rennye ho,+ na sekan ne ɛkɔm ne nsanyareɛ a ɛdi awuo* na mede bɛyi wɔn afiri hɔ.”+
13 Ɛnna mekaa sɛ: “O Awurade Tumfoɔ Yehowa! Hwɛ, adiyifoɔ no reka kyerɛ ɔman no sɛ, ‘Morenhunu sekan, na ɛkɔm renka mo; na mɛma moanya asomdwoeɛ paa wɔ ha.’”+
14 Ɛnna Yehowa san ka kyerɛɛ me sɛ: “Nkɔm a ɛnyɛ nokorɛ na adiyifoɔ no rehyɛ wɔ me din mu.+ Mensomaa wɔn, menhyɛɛ wɔn, na me ne wɔn nkasae.+ Atorɔ anisoadehunu ne abosonkɔm hunu ne wɔn ankasa akomam nnaadaasɛm na wɔde hyɛ nkɔm kyerɛ mo.+ 15 Ɛno nti, adiyifoɔ a mensomaa wɔn a wɔde me din hyɛ nkɔm ka sɛ sekan anaa ɛkɔm biara remma asaase yi so no, deɛ Yehowa aka afa wɔn ho nie: ‘Sekan ne ɛkɔm na ɛbɛkunkum saa adiyifoɔ no.+ 16 Na nkurɔfoɔ a adiyifoɔ no hyɛ nkɔm kyerɛ wɔn no, wɔbɛto wɔn agu Yerusalem mmɔnten so ɛsiane ɛkɔm ne sekan no nti. Na obiara rensie wɔn,+ wɔne wɔn yerenom ne wɔn mma mmarima ne wɔn mma mmaa nyinaa. Na mɛhwie mmusuo a ɛfata wɔn agu wɔn so.’+
17 “Asɛm a ka kyerɛ wɔn nie,
‘Ma nisuo ntene mfa m’ani ase waawaa awia ne anadwo, na mma no nnnyae,+
Ɛfiri sɛ me man babaa, ɔbaabunu no, ahwe ase birim ama wabubu pasaa,+
Na wapira pira bɔne.
Meba kuro mu nso a,
Mehu nyarewa a ɛkɔm no akɔfa aba!+
Ɛfiri sɛ adiyifoɔ ne asɔfoɔ nyinaa akɔkyinkyini asaase a wɔnnim soɔ so.’”+
19 Enti woapo Yuda koraa? Anaa wokyiri* Sion?+
Adɛn nti na woabɔ yɛn apira yɛn na yɛnnya ayaresa yi?+
Yɛhwɛɛ asomdwoeɛ kwan, nanso adepa biara amma;
Yɛhwɛɛ ayaresa kwan, nanso adeɛ a ɛyɛ hu na aba!+
20 O Yehowa, yɛagye yɛn bɔne atom,
Mfomsoɔ a yɛn agyanom yɛeɛ no nso, yɛagye atom,
Ɛfiri sɛ yɛayɛ wo bɔne.+
Kae, na mmu apam a wo ne yɛn ayɛ no so.+
22 Amanaman no abosonhunu no bi bɛtumi ama nsuo atɔ anaa?
Ɔsoro mpo, ɛno ankasa bɛtumi ama nsuo atɔ anaa?
O Yehowa yɛn Nyankopɔn, ɛnyɛ wo nko ara na wobɛtumi ayɛ weinom?+
Wo na yɛde yɛn ani ato wo so,
Ɛfiri sɛ wo nko ara na woayɛ weinom nyinaa.