Yeremia
13 Deɛ Yehowa ka kyerɛɛ me nie: “Kɔ na kɔtɔ nwera abɔsoɔ,* na fa bɔ w’asene, nanso mfa mmɔ nsuo mu.” 2 Ɛnna mekɔtɔɔ abɔsoɔ* no sɛdeɛ Yehowa kaeɛ no, na mede bɔɔ m’asene. 3 Na Yehowa ka kyerɛɛ me ne mprenu so sɛ: 4 “Fa abɔsoɔ* a wotɔeɛ a ɛbɔ wo no, na sɔre kɔ Eufrate ho, na kɔpɛ tokuro bi wɔ ɔbotan mu fa sie mu.” 5 Enti mekɔe, na mede kɔsiee Eufrate ho sɛdeɛ Yehowa ka kyerɛɛ me no.
6 Na nna pii akyi no, Yehowa ka kyerɛɛ me sɛ: “Sɔre kɔ Eufrate ho, na kɔfa abɔsoɔ* a meka kyerɛɛ wo sɛ fa kɔsie hɔ no bra.” 7 Ɛnna mekɔɔ Eufrate ho, na mekɔtuu abɔsoɔ* no firii baabi a mede kɔsieeɛ no, na mehuu sɛ abɔsoɔ* no asɛe a wode yɛ hwee a ɛnyɛ yie.
8 Ɛnna Yehowa ka kyerɛɛ me sɛ: 9 “Deɛ Yehowa aka nie, ‘Saa ara na mɛsɛe Yuda ahantan ne Yerusalem ahantan bebrebe no.+ 10 Ɔman bɔne yi a wɔmpɛ sɛ wɔtie m’asɛm,+ ɔman a wɔyɛ asoɔden di wɔn akoma akyi,+ na wɔakɔdi anyame foforɔ akyi, na wɔsom wɔn, na wɔkoto wɔn no, wɔbɛyɛ sɛ abɔsoɔ* a wode yɛ hwee a ɛnyɛ yie yi.’ 11 ‘Sɛdeɛ onipa bɔ abɔsoɔ* ma ɛfam ne sisi no, saa ara na mede Israel fie nyinaa ne Yuda fie nyinaa fam me ho,’ Yehowa asɛm nie, ‘sɛdeɛ ɛbɛyɛ a wɔbɛyɛ me man,+ ne me din*+ ne m’ayeyie ne m’ahoɔfɛ; nanso wɔantie.’+
12 “Na ka asɛm yi nso kyerɛ wɔn sɛ, ‘Deɛ Yehowa, Israel Nyankopɔn no aka nie: “Ahina biara, nsã na wɔde hyɛ no ma.”’ Na wɔn nso bɛka akyerɛ wo sɛ, ‘Yɛn deɛ yɛnnim sɛ nsã na wɔde hyɛ ahina biara ma anaa?’ 13 Afei ka kyerɛ wɔn sɛ, ‘Deɛ Yehowa aka nie: “Hwɛ, asaase yi sofoɔ nyinaa ne ahemfo a wɔte Dawid adwa so ne asɔfoɔ ne adiyifoɔ ne Yerusalemfoɔ nyinaa, mɛma wɔabobo sram.+ 14 Na mede agyanom ne mma nyinaa tiri bɛhwehwe mu,” Yehowa na aka.+ “Me yam renhyehye me, na ɛrenyɛ me awerɛho, na merenhu mmɔbɔ; biribiara nni hɔ a ɛbɛsi me kwan a ɛremma mensɛe wɔn.”’+
15 Montie na monyɛ aso.
Monnyɛ ahantan, ɛfiri sɛ Yehowa akasa.
16 Monhyɛ Yehowa mo Nyankopɔn animuonyam
Ansa na wama esum aba,
Ansa na moasunti wɔ mmepɔ so berɛ a adeɛ reyɛ asã.
18 Ka kyerɛ ɔhene ne ɔhemmaa* sɛ,+ ‘Montena fam,
Ɛfiri sɛ mo ahenkyɛ fɛfɛɛfɛ no bɛfiri mo tiri atɔ fam.’
19 Wɔatoto anaafoɔ nkuro no mu,* na obiara nni hɔ a ɔbɛbue.
Wɔasoa Yudafoɔ nyinaa kɔ. Wɔatu wɔn nyinaa ase kɔ.+
20 Ma w’ani so na hwɛ wɔn a wɔfiri atifi fam reba no.+
Nnwankuo a wɔde maa wo no, wo nnwan fɛfɛɛfɛ no, ɛhe na wɔwɔ?+
Anka awoɔ mu yea* remma wo so te sɛ ɔbaa a ɔrewo anaa?+
22 Na sɛ wobisa wɔ w’akomam sɛ, ‘Adɛn nti na wei nyinaa aba me so?’+ a,
Hunu sɛ, wo bɔne so; ɛno nti na wɔapa wo ho ntoma+
Na wo nantin yɛ wo ya paa no.
23 Kusni* bɛtumi asesa ne honam anaa? Na ɔsebɔ nso bɛtumi asesa ne ho nsensaneeɛ anaa?+
Ɛnneɛ anka mo nso mobɛtumi ayɛ papa,
Mo a wɔde bɔne atete mo.
25 Wo kyɛfa nie, wo kyɛfa a masusu ama wo,” Yehowa na aka,
“Ɛfiri sɛ wo werɛ afi me,+ na nkontompo na wode wo ho ato so.+
26 Enti mɛpagya wo ntoma akata w’anim,
Na nkurɔfoɔ ahunu w’animguaseɛ,+
27 W’awaresɛeɛ,+ w’akɔnnɔ bɔne a ɛte sɛ pɔnkɔ a ɔresu apɛ barima ama no aforo no,
Ne wo tuutuusie tantan* no.
Nkokoɔ so, ne wuram nyinaa,+
Mahunu wo suban tantan no.
O Yerusalem, asɛm ato wo!