Yeremia
12 Yehowa, sɛ meka m’asɛm kyerɛ wo a, wobu atɛn wɔ tenenee mu.+
Sɛ mede me nsɛm dan wo a, wodi ma me.
Ɛnneɛ adɛn nti na ɛsi abɔnefoɔ yie?+
Na adɛn nti na nkontompofoɔ ho adwo wɔn?
2 Woadua wɔn ama wɔagye nhini.
Wɔanyini aso aba.
Wɔde wɔn ano bɔ wo din daa, nanso wɔn adwene* deɛ, atwe afiri wo ho koraa.+
Yiyi wɔn gyina nkyɛn mmaako mmaako te sɛ nnwan a wɔrekɔku wɔn,
Na hyira wɔn so ma ɛda a wɔbɛku wɔn no.*
Wɔn a wɔte so no bɔne nti,
Mmoa ne nnomaa nyinaa ayera.
Na wɔka sɛ: “Ɔrenhunu deɛ ɛbɛto yɛn.”
5 Wɔn a wɔnam fam mpo na wo ne wɔn retu mmirika a woabrɛ yi,
Ɛnneɛ ɛbɛyɛ dɛn na woatumi ne apɔnkɔ atu mmirika?+
Asomdwoeɛ asaase so mpo na ɛyɛ wo sɛ wowɔ akokoɔduro yi,
Ɛnneɛ wokɔfa Yordan kwaebirentuo mu a, deɛn na wobɛyɛ?
Wɔteam dendeenden gu wo so.
Sɛ wɔka nsɛm a ɛyɛ dɛ kyerɛ wo mpo a,
Nnye wɔn nni.
7 “Magya me fie hɔ;+ mapo m’agyapadeɛ.+
Mede deɛ medɔ no paa no* ahyɛ n’atamfo nsa.+
8 M’agyapadeɛ abɛyɛ sɛ kwaeɛ mu gyata wɔ me so.
Wabobom agu me so.
Ɛno nti metan no.
Wuram mmoa nyinaa, mommra, mommɛhyia;
Mommra mmɛdidi.+
Wɔama m’asaase, me kyɛfa no, adane serɛ pradadaa.
11 Me kyɛfa no adane amamfo.
Wɔama asaase no nyinaa adane amamfo,
Nanso ɛmfa obiara ho.+
12 Asɛefoɔ aba serɛ so akwan* no nyinaa so,
Ɛfiri sɛ Yehowa sekan resɛe adeɛ afiri asaase no ano akɔsi ano nohoa.+
Asomdwoeɛ biara nni hɔ mma obiara.*
13 Wɔduaa hwiit, nanso wɔatwa nkasɛɛ.+
Wɔabrɛ wɔn ho ayɛ adwuma, nanso wɔannya so mfasoɔ biara.
Wɔn ani bɛwu wɔn nnɔbaeɛ ho,
Yehowa abufuhyeɛ nti.”
14 Deɛ Yehowa aka nie: “Nnipa abɔnefoɔ a wɔte bɛn me a wɔde wɔn nsa aka agyapadeɛ a mede ama me man Israel sɛ wɔmfa no nyinaa,+ meretutu wɔn ase afiri wɔn asaase so,+ na Yuda fie nso, mɛtu wɔn ase afiri wɔn mu. 15 Nanso sɛ metu wɔn ase wie a, mɛsan ahu wɔn mmɔbɔ, na masan de obiara aba n’agyapadeɛ ne n’asaase so.”
16 “Na sɛ wɔsua me man akwan yie, na wɔde me din ka ntam sɛ, ‘Sɛ́ Yehowa te ase yi!’ sɛdeɛ wɔkyerɛɛ me man maa wɔkaa Baal ntam no a, ɛnneɛ wɔbɛnya tenabea wɔ me man mu. 17 Na sɛ wɔantie a, ɛnneɛ me nso mɛtutu saa ɔman no ase; mɛtutu aseɛ na masɛe no,” Yehowa na aka.+