Yeremia
Anka mɛsu awia ne anadwo,
Me manfoɔ a wɔakunkum wɔn no nti.
2 Sɛ mewɔ akwantufoɔ tenabea wɔ serɛ so a,
Anka mɛgya me man hɔ na mafiri wɔn nkyɛn akɔ,
Ɛfiri sɛ wɔn nyinaa yɛ awaresɛefoɔ,+
Nkontompofoɔ fekuo.
“Wɔkɔ wɔn anim wɔ bɔne mu,
Na wɔmfa me nyɛ hwee,”+ Yehowa asɛm nie.
4 “Obiara nhwɛ ne ho yie wɔ ne yɔnko ho,
Na wo nua mpo, mfa wo ho nto ne so.
5 Obiara sisi ne yɔnko,
Na obiara nka nokorɛ.
Wɔakyerɛ wɔn kɛtrɛma atorɔdie.+
Wɔyɛ bɔne de hyɛ wɔn ho brɛ.
6 Nnaadaa mu na wote.
Nnaadaa nti, wɔmpɛ sɛ wɔhu me,” Yehowa asɛm nie.
7 Ɛno nti, deɛ asafo Yehowa aka nie:
“Mɛnane wɔn, na mahwehwɛ wɔn mu.+
Sɛ manyɛ me man babaa saa a, deɛn bio na mɛyɛ no?
8 Wɔn kɛtrɛma yɛ agyan a ɛdi awuo; nnaadaasɛm na ɛka.
Onipa de n’ano ka asomdwoeɛ asɛm kyerɛ ne yɔnko,
Nanso ne mu deɛ, ɔtetɛ no.”
9 “Deɛ wɔayɛ yi, ɛnsɛ sɛ metua wɔn so ka anaa?” Yehowa asɛm nie.
“Ɔman a ɛte saa no, ɛnsɛ sɛ meyɛ* wɔn bi tua ka anaa?+
10 Mɛsu mmepɔ no na mabɔ bena,
Na mmoa adidibea a ɛbɛdane serɛ so nti, mɛto awerɛhoɔ dwom,*
Ɛfiri sɛ wɔahye ne nyinaa, na onipa biara ntwam wɔ hɔ,
Na wɔnte nyɛmmoa nne wɔ hɔ.
Ewiem nnomaa ne mmoa adwane; wɔn nyinaa kɔ.+
11 Mɛma Yerusalem adane aboɔ asum hɔ,+ baabi a sakraman bɛtena,+
Na mɛma Yuda nkuro adane amamfo a obiara nte mu.+
12 Hwan na ɔyɛ onyansafoɔ a ɔbɛte wei ase?
Hwan na Yehowa akasa akyerɛ no a ɔno nso de bɛto dwa?
Adɛn nti na asaase no asɛe?
Adɛn nti na ahye sɛ serɛ,
A enti obiara mfa so bio yi?”
13 Yehowa yii ano sɛ: “Ɛfiri sɛ me mmara* a mede maa wɔn no,* wɔto twenee baabi; wɔanni so, na wɔantie m’asɛm. 14 Mmom wɔyɛɛ asoɔden dii wɔn ankasa akoma akyi,+ na wɔkɔdii Baal abosom akyi sɛdeɛ wɔn agyanom kyerɛɛ wɔn sɛ wɔnyɛ no.+ 15 Ɛno nti, deɛ asafo Yehowa, Israel Nyankopɔn no aka nie, ‘Hwɛ, mɛma ɔman yi adi awɔnwono, na mama wɔanom nsuo a awuduro wom.+ 16 Mɛbɔ wɔn ahwete aman a wɔne wɔn agyanom nyinaa nnim so no so,+ na mɛma sekan adi wɔn akyi akɔsi sɛ mɛkunkum wɔn nyinaa.’+
17 Deɛ asafo Yehowa aka nie,
‘Monnwene deɛ ɛrekɔ so no ho.
Momfrɛfrɛ mmaa a wɔtumi to awerɛhoɔ nnwom* mmra,+
Na monsoma nkɔfrɛ mmaa a wɔnim su yie mmra,
18 Na wɔnyɛ ntɛm mmɛsu mmɔ bena mma yɛn,
Na nisuo ntene mfa yɛn ani ase waawaa,
Na nsuo nsɔne mfiri yɛn anisoatɛtɛ so.+
19 Na wɔte benabɔ wɔ Sion sɛ:+
“Hwɛ sɛdeɛ wɔayɛ yɛn pasaa!
Hwɛ sɛdeɛ yɛn anim agu ase pɔtɔɔ!
Ɛfiri sɛ yɛagya asaase no hɔ, na wɔadwiri yɛn afie agu.”+
20 Mmaa, montie Yehowa asɛm.
Momma n’anom asɛm nkɔ mo asom.
21 Ɛfiri sɛ owuo aforo afa yɛn mpomma mu aba;
Abɔ awura yɛn abankɛseɛ mu
Sɛ ɛrebɛsesa yɛn mma afiri mmorɔno so akɔ,
Na afa yɛn mmeranteɛ afiri mmɔnten so akɔ.’+
22 Ka sɛ, ‘Deɛ Yehowa aka nie:
“Nnipa afunu bɛgugu hɔ sɛ sumina* wɔ asaase ani,
Ɛbɛyɛ sɛ hwiit* a atwafoɔ atwa agu hɔ foforɔ
A obiara nni hɔ a ɔbɛboaboa ano.”’”+
23 Deɛ Yehowa aka nie:
“Mma onyansafoɔ mmfa ne nyansa nnhoahoa ne ho;+
Mma ɔhoɔdenfoɔ mmfa n’ahoɔden nnhoahoa ne ho;
Na mma sikani mmfa n’ahonyadeɛ nnhoahoa ne ho.”+
24 “Mmom deɛ ɔhoahoa ne ho no, ɔmfa wei nhoahoa ne ho:
Sɛ ɔwɔ me ho nhunumu ne nimdeɛ,+
Sɛ mene Yehowa, Deɛ ɔda ɔdɔ a ɛnni hwammɔ adi na ɔbu atɛntenenee na ɔyɛ adetenenee wɔ asaase so no,+
Ɛfiri sɛ weinom na m’ani gye ho,”+ Yehowa asɛm nie.
25 “Hwɛ! Nna bi reba,” Yehowa asɛm nie, “na obiara a watwa twetia* nanso ɔntwaa twetia no, mɛbu no atɛn;+ 26 Egyptfoɔ+ ne Yudafoɔ+ ne Edomfoɔ+ ne Ammonfoɔ+ ne Moabfoɔ+ ne obiara a ɔte serɛ so+ a watwitwa n’asontorɔm nwi no, mɛbu wɔn nyinaa atɛn, ɛfiri sɛ amanaman no nyinaa ntwaa twetia, na Israel fie nyinaa nso ntwaa wɔn akoma twetia.”+