Yeremia
10 O Israel fie, montie asɛm a Yehowa aka atia mo. 2 Deɛ Yehowa aka nie:
3 Ɛfiri sɛ amanaman no amanneɛ yɛ adehunu.*
4 Wɔde dwetɛ ne sika kɔkɔɔ yɛ no fɛfɛɛfɛ,+
Na wɔde nnadewa ne hamma* bobom sɛdeɛ ɛbɛyɛ a ɛremmuni ntɔ fam.+
Monnsuro wɔn, ɛfiri sɛ wɔrentumi nyɛ mo bɔne biara,
Na wɔrentumi nyɛ adepa biara nso mma mo.”+
6 O Yehowa, obiara nni hɔ a ɔte sɛ wo.+
Woyɛ kɛseɛ; wo din so, na ɛkorɔn.
7 O amanaman Hene, hwan na ɔrensuro wo,+ ɛfiri sɛ wo na ɛfata wo;
Amanaman no anyansafoɔ nyinaa mu ne wɔn ahennie nyinaa mu no,
Obiara nni hɔ a ɔte sɛ wo.+
8 Wɔn nyinaa yɛ agyimifoɔ ne nkwaseafoɔ.+
Akwankyerɛ a ɛfiri dua hɔ yɛ adehunu.*+
9 Wɔkra dwetɛ ntraantraa firi Tarsis,+ na wɔkra sika kɔkɔɔ firi Ufas;
Ɛyɛ odwumfoɔ ne ɔtomfoɔ nsa ano adwuma.
Ntoma bruu ne ntoma afasebire na ɛfirafira wɔn.
Ne nyinaa yɛ adwumfoɔ nsa ano adwuma.
10 Nanso Yehowa deɛ, ɔyɛ Onyankopɔn ampa.
Ɔno ne Onyankopɔn teasefoɔ+ ne Ɔhene a ɔwɔ hɔ daa.+
N’abufuhyeɛ nti, asaase bɛwoso,+
Na ɔman biara nni hɔ a ɛbɛtumi agyina n’abufuo ano.
11 * Deɛ monka nkyerɛ wɔn nie:
“Anyame a ɛnyɛ wɔn na wɔyɛɛ ɔsoro ne asaase no,
Wɔbɛyera afiri asaase so ne ɔsoro a ɛwɔ hɔ yi ase.”+
12 Ɔno na ɔde ne tumi yɛɛ asaase,
Na ɔde ne nyansa maa asaase tim hɔ;+
Ɔno na ɔde ne nhunumu trɛɛ ɔsoro mu.+
14 Nnipa nyinaa yɛ wɔn adeɛ te sɛ deɛ wɔnni adwene ne nimdeɛ.
15 Wɔyɛ adehunu,* biribi a nkurɔfoɔ hwɛ sere.+
Sɛ wɔn akontabuo da ba a, wɔbɛsɛe.
16 Yakob Kyɛfa deɛ, ɔnte sɛ weinom,
Ɛfiri sɛ Ɔno na ɔyɛɛ nneɛma nyinaa,
Na Israel yɛ n’agyapadeɛ poma.+
Asafo Yehowa ne ne din.+
17 O ɔbaa a wɔaka wo ahyɛ wo kurom,
Boaboa wo nneɛma ano na sɔre firi fam.
18 Na deɛ Yehowa aka nie:
19 Pira a mapira nti, mawu awie!+
Me kuro nni aduro.
Mekaa sɛ: “Yareɛ a abɛtena me so nie, enti masɔ mu.
20 Me ntomadan asɛe, na me ntomadan ho nhoma* nyinaa atete.+
Me mma mmarima agya me hɔ kɔ, na wɔnni hɔ bio.+
Obiara nni hɔ a ɔbɛtrɛ me ntomadan mu na wama me ntomadan ntoma so.
Ɛno nti na wɔadi nkwaseasɛm no.
Na wɔn mmoa nyinaa ahwete.”+
22 Montie! Amanneɛbɔ bi reba!
Wɔte kim-kim-kim bi sɛ ɛfiri atifi fam asaase so reba;+
Ɛreba abɛsɛe Yuda nkuro pasaa ama adane baabi a sakraman bɛtena.+
23 O Yehowa, menim sɛ onipa kwan nni ne nsam.
Sɛdeɛ onipa nam a ɔbɛtutu ne nan mpo, ɛnni ne nsam.+