Samuel Nwoma a Ɛtɔ So Mmienu
1 Saul wuo akyi a Dawid kɔdii Amalekfoɔ so nkonim* baeɛ no, Dawid san bɛtenaa Siklag+ nnanu. 2 Ne nnansa so no, ɔbarima bi firi Saul asraafoɔ no mu baeɛ, na ɔreba no, na wasuan n’ataadeɛ mu de dɔteɛ agu ne tirim. Berɛ a ɔduruu Dawid nkyɛn no, ɔbɔɔ ne mu ase de n’anim butuu fam.
3 Dawid bisaa no sɛ: “Ɛhe na wofiri reba yi?” Na ɔbuaa sɛ: “Israel asraafoɔ mu na mefiri a madwane aba ha yi.” 4 Dawid bisaa no sɛ: “Nneɛma kɔɔ so sɛn? Mesrɛ wo, ka kyerɛ me.” Na ɔkaa sɛ: “Asraafoɔ no adwane afiri akono, na wɔn mu pii awuwu; Saul ne ne ba Yonatan nso awu.”+ 5 Ɛnna Dawid bisaa aberanteɛ a ɔbɛkaa asɛm no sɛ: “Ɛyɛɛ dɛn na wohuu sɛ Saul ne ne ba Yonatan awu?” 6 Ɛnna aberanteɛ no kaa sɛ: “Mekɔpuee Gilboa Bepɔ so,+ na mehuu sɛ Saul twere ne pea. Ná asraafoɔ a wɔka nteaseɛnam ne wɔn a wɔtete apɔnkɔ so no ato no awie.+ 7 Berɛ a ɔtwaa n’ani a ɔhuu me no, ɔfrɛɛ me, na megyee so sɛ, ‘Menie!’ 8 Ɛnna ɔbisaa me sɛ, ‘Wofiri he?’ Na mekaa sɛ, ‘Meyɛ Amalekni.’+ 9 Afei ɔkaa sɛ, ‘Mesrɛ wo, bɛn me na ku me, na merehunu amane paa nanso menwuiɛ.’* 10 Enti mebɛn no kum no,+ ɛfiri sɛ sɛdeɛ na wapira da hɔ no, mehuu sɛ ɔrennya nkwa. Afei metuu n’ahemmotire na meyii ne nkapo sɛ mede rebrɛ me wura.”
11 Ɛnna Dawid sɔɔ n’ataadeɛ mu suan mu, na mmarima a wɔka ne ho no nyinaa nso yɛɛ saa. 12 Ɛsiane sɛ na Saul ne ne ba Yonatan ne Yehowa man ne Israel fie awuwu+ wɔ sekan ano nti, wɔsu bɔɔ bena, na wɔyɛɛ akɔnkyene*+ kɔsii anwummerɛ.
13 Dawid bisaa aberanteɛ a ɔbɛkaa asɛm no sɛ: “Wofiri he?” Na ɔbuaa sɛ: “Amalekni bi a wabɛsoɛ ɔman yi mu ba ne me.” 14 Ɛnna Dawid bisaa no sɛ: “Adɛn nti na woansuro sɛ wode wo nsa bɛka deɛ Yehowa asra no?”+ 15 Afei Dawid frɛɛ mmeranteɛ no mu baako ka kyerɛɛ no sɛ: “Kɔ ne so kɔku no.” Enti ɔkɔɔ ne so kɔkum no.+ 16 Dawid ka kyerɛɛ no sɛ: “Wo mogya bɛgu wo ara wo tiri so ɛfiri sɛ wo ara w’ano na adi adanseɛ atia wo sɛ, ‘Me na mekum deɛ Yehowa asra no no.’”+
17 Afei Dawid twaa Saul ne ne ba Yonatan ho awerɛhoɔ dwom,*+ 18 na ɔkaa sɛ awerɛhoɔ dwom yi a wɔatwerɛ no Yasar nwoma mu+ a wɔato din “Agyan” no, wɔnkyerɛ Yudafoɔ no:
19 “O Israel, w’ahoɔfɛfoɔ na awuwu wɔ wo mmepɔ so yi.+
Hwɛ sɛdeɛ akatakyie ahwehwe ase!
Mommmɔ no dawuro wɔ Askelon mmɔnten so,
Anyɛ saa a Filistifoɔ mma mmaa ani bɛgye,
Na momonotofoɔ* mma mmaa bɛdi ahurisie.
Mma bosuo anaa nsuo nntɔ nngu mo so,
Na mma nneɛma mmfifi mo nsaase so mma wɔmmfa nnyi ntoboa kronkron,+
Ɛfiri sɛ ɛhɔ na akatakyie kyɛm ho guu fĩ;
Saul kyɛm no, afei deɛ, ɛrenyɛ deɛ wɔde ngo asra ho bio.
22 Yonatan agyan anni hwammɔ,+
Na Saul sekan nso anto amfom,+
Ɛhwiee akofoɔ mogya guiɛ, na ɛdii akatakyie nam.
23 Berɛ a Saul ne Yonatan+ te ase no, na nkurɔfoɔ dɔ wɔn na wɔpɛ wɔn asɛm,*
Owuo mu nso, wɔn mu antete.+
24 O Israel mma mmaa, monsu Saul;
Ɔno na ɔde ntoma kɔkɔɔ firaa mo na ɔde afɛfɛdeɛ nyinaa bi hyɛɛ mo;
Ɔno na ɔde sika kɔkɔɔ agudeɛ guu mo ntaadeɛ so.
25 Hwɛ sɛdeɛ akatakyie ahwehwe ase wɔ ɛko mu!
Hwɛ sɛdeɛ Yonatan atɔ fam wɔ wo bepɔ so!+
Ɔdɔ a na wodɔ me no yɛ nwanwa; ɛsene mmaa dɔ koraa.+
27 Hwɛ sɛdeɛ akatakyie ahwehwe ase
Na akodeɛ asɛe!”