Yesaia

49 Nsupɔ, montie me;

Aman a mowɔ akyirikyiri, monyɛ aso.+

 2 Ɔmaa m’ano yɛɛ sɛ sekan a ano yɛ nnam;

Ɔde ne nsa bɔɔ me ho ban.*+

Ɔyɛɛ me sɛ agyan a wɔase ano;

Ɔde me siee n’agyan kotokuo mu.

 3 Ɔka kyerɛɛ me sɛ: “O Israel, woyɛ m’akoa,+

Wo na menam wo so bɛyi m’animuonyam adi.”+

Nanso menim paa sɛ Yehowa na ɔbɛbu me atɛn,*

Na m’akatua wɔ me Nyankopɔn nkyɛn.”+

 5 Na afei, Yehowa, Deɛ ɔyɛɛ me firii yafunu mu sɛ memmɛyɛ n’akoa no,

Ɔse memfa Yakob nsan mmrɛ no,

Sɛdeɛ ɛbɛyɛ a wɔbɛboaboa Israel ano aba ne nkyɛn.+

Wɔbɛhyɛ me animuonyam wɔ Yehowa anim,

Na me Nyankopɔn ayɛ m’ahoɔden.

 6 Na ɔkaa sɛ: “Woyɛ m’akoa

A wobɛma Yakob mmusua so

Na wode Israelfoɔ a wɔakora wɔn so no asan aba; nanso ɛnyɛ ɛno nko ara.

Masan de wo ayɛ hann ama amanaman no,+

Na ama me nkwagyeɛ akɔduru asaase ano.”+

“Ahemfo bɛhunu na wɔasɔre,

Na aberempɔn bɛkoto

Ɛsiane Yehowa a ɔyɛ ɔnokwafoɔ,+

Israel Kronkronni no, deɛ wayi wo no nti.”+

“Adom* berɛ mu na metiee wo,+

Nkwagyeɛ da na meboaa wo;+

Na mekɔɔ so bɔɔ wo ho ban sɛ mede wo bɛyɛ apam ama nnipa,+

Na woasiesie asaase no,

Na woama wɔasan anya wɔn agyapadeɛ a na asɛe no bio,+

 9 Na woaka akyerɛ wɔn a wɔgu afiase sɛ, ‘Mompue mmra!’+

Akwan ho na wɔbɛdidie,

Na anammɔnkwan nyinaa ho* bɛyɛ wɔn adidibea.

10 Ɛkɔm renne wɔn, na sukɔm nso renne wɔn.+

Ɔhyew renne wɔn, na awia nso renhye wɔn,+

Ɛfiri sɛ Deɛ ɔhu wɔn mmɔbɔ no bɛdi wɔn anim,+

Na ɔde wɔn bɛfa nsutire ho.+

11 Mɛma me mmepɔ nyinaa adane kwan,

Na mama m’akwantempɔn so akɔ soro.+

12 Hwɛ! Weinom bɛfiri akyirikyiri aba,+

Na hwɛ! Weinom bɛfiri atifi ne atɔeɛ aba,

Na weinom bɛfiri Sinim asaase so aba.”+

Ɛfiri sɛ Yehowa akyekye ne manfoɔ werɛ,+

Na ɔhu wɔn a wɔrehunu amane no mmɔbɔ.*+

Ne yam renhyehye no mma ne yam ba anaa?

Sɛ mmaa yi werɛ bɛfi mpo a, me deɛ, me werɛ remfi wo da.+

Na Yehowa aka sɛ: “Sɛ́ mete ase yi,

Wobɛhyɛ wɔn nyinaa te sɛ ataadeɛ a ɛyɛ fɛ,

Na wode wɔn ato wo kɔn mu sɛdeɛ ayeforɔ de kɔnmuadeɛ to ne kɔn mu no.

19 Ɛwom sɛ wɔsɛee w’asaase, ɛdaa mpan, na ɛdanee amamfo,+

Nanso afei deɛ, ɛhɔ bɛyɛ ketewa ama wɔn a wɔte hɔ no,+

Na wɔn a wɔmenee wo no+ bɛkɔ akyirikyiri.+

20 Na mma a wowoo wɔn berɛ a wo mma wuiɛ no, wɔbɛka ama woate sɛ,

‘Ɛha sua dodo ma me.

21 Na wobɛka no wɔ w’akomam sɛ,

‘Hwan na ɔwoo weinom maa me?

Ɛfiri sɛ meyɛ ɔbaa a mahwere me mma na meyɛ bonini,

Na wɔtuu me firii m’asaase so kɔe, na mekɔyɛɛ deduani.

Enti weinom firi he?’”+

22 Deɛ Awurade Tumfoɔ Yehowa aka nie:

“Hwɛ! Mɛma me nsa so akyerɛ amanaman,

Na mɛma m’ahyɛnsodeɛ* so akyerɛ aman.+

Wɔbɛturu wo mma mmarima wɔ wɔn kokom.*

Na wɔde wo mma mmaa asi akɔnkɔn aba.+

23 Ahemfo bɛhwɛ wo,+

Na wɔn ahemmaa ama wo nufoɔ.

Wɔbɛkoto wo de wɔn anim abutubutu fam,+

Na wɔatafere wo nan ase mfuturo;+

Na wobɛhunu sɛ mene Yehowa;

Wɔn a wɔde wɔn ho to me so no ani renwu.”+

24 Wɔn a ɔsabarima akye wɔn no, obi bɛtumi agye wɔn afiri ne nsam anaa?

Na wɔn a otirimuɔdenfoɔ akye wɔn no, obi bɛtumi agye wɔn anaa?

“Wɔn a ɔsabarima akye wɔn mpo, wɔbɛgye wɔn afiri ne nsam,+

Na wɔn a otirimuɔdenfoɔ akye wɔn no, wɔbɛgye wɔn.+

Deɛ ɔne wo di asie no, me ne no bɛdi asie,+

Na mɛgye wo mma.

26 Mɛma wɔn a wɔteetee wo no awe wɔn ankasa honam,

Na wɔn ankasa mogya bɛbo wɔn te sɛ nsã* dɔkɔdɔkɔ.

Na nnipa* nyinaa bɛhunu sɛ mene Yehowa,+

W’Agyenkwa+ ne wo Gyefoɔ,+

Yakob Tumfoɔ no.”+