2 Beresosɛm

18 Na Yehosafat nyaa ahonyade ne anuonyam pii,+ nanso ɔne Ahab+ dii ayeware.+ 2 Mfe bi akyi no, ɔkɔɔ Ahab nkyɛn wɔ Samaria,+ na Ahab de nguan+ ne anantwi bebree bɔɔ afɔre maa ɔno ne nnipa a wɔka ne ho no. Na ɔdaadaa+ no sɛ ɔne no nkɔ Ramot-Gilead+ so. 3 Asɛm a Israel hene Ahab bisaa Yuda hene Yehosafat ne sɛ: “Wo ne me bɛkɔ Ramot-Gilead+ so anaa?” Ɛnna ɔka kyerɛɛ no sɛ: “Me ne wo nyinaa yɛ nipa biako. Me man ne wo man nso yɛ biako, enti yɛtaa w’akyi ɔko no mu.”+

4 Na Yehosafat ka kyerɛɛ Israel hene sɛ: “Sɛ ɛbɛyɛ a, anka bisa+ Yehowa anom asɛm ansa.” 5 Ɛnna Israel hene boaboaa adiyifo+ no ano, mmarima ahanan, na obisaa wɔn sɛ: “Yɛne Ramot-Gilead nkɔko, anaa minnyae?”+ Na wɔkae sɛ: “Kɔ, na nokware Nyankopɔn de wɔn bɛhyɛ ɔhene nsa.”

6 Ɛnna Yehosafat bisae sɛ: “Yehowa diyifo foforo biara nni hɔ bio anaa?+ Momma yɛmfa no so mmisa.”+ 7 Na Israel hene ka kyerɛɛ Yehosafat sɛ:+ “Obiako da so wɔ hɔ+ a yebetumi afa no so abisa Yehowa, nanso me de, mempɛ n’asɛm+ koraa efisɛ ɔnhyɛɛ me ho nkɔm pa bi da, na bɔne nko ara na daa ɔka.+ Ɔne Yimla ba Mikaia.”+ Nanso Yehosafat ka kyerɛɛ no sɛ: “Mma ɔhene nnka saa.”+

8 Ɛnna Israel hene frɛɛ ahemfie mpanyimfo+ no bi, na ɔka kyerɛɛ no sɛ: “Kɔfa Yimla ba Mikaia bra ntɛm.”+ 9 Saa bere no, na Israel hene ne Yuda hene Yehosafat tete wɔn nhengua so hyehyɛ wɔn ntade+ wɔ Samaria kurow pon ano awiporowbea hɔ, na adiyifo no nyinaa gyinagyina wɔn anim reyɛ wɔn adiyifo adwuma.+ 10 Na Kenaana ba Sedekia yɛɛ dade mmɛn,+ na ɔkae sɛ: “Nea Yehowa aka ni,+ ‘Eyi na wode bɛpempem Siriafo no de akosi sɛ wobɛtɔre wɔn ase.’”+ 11 Adiyifo nkae no nyinaa nso hyehyɛɛ nkɔm koro no ara sɛ: “Kɔ Ramot-Gilead so na kodi nkonim,+ na Yehowa de wɔn bɛhyɛ ɔhene nsa.”+

12 Na nea wɔsomaa no sɛ ɔnkɔfrɛ Mikaia mmra no ka kyerɛɛ no sɛ: “Hwɛ! Adiyifo no nyinaa de nokoro aka asɛmpa akyerɛ ɔhene, enti ma w’asɛm nyɛ sɛ wɔn de+ no, na ka asɛmpa.”+ 13 Nanso Mikaia kae sɛ: “Sɛ́ Yehowa te ase+ yi, nea me Nyankopɔn bɛka no, ɛno ara na me nso mɛka.”+ 14 Bere a obeduu ɔhene anim no, ɔhene bisaa no sɛ: “Mikaia, yɛne Ramot-Gilead nkɔko, anaa minnyae?” Ɛhɔ ara na obuaa ɔhene sɛ: “Monkɔ na munkodi nkonim, na wɔde wɔn bɛhyɛ mo nsa.”+ 15 Ɛnna ɔhene ka kyerɛɛ no sɛ: “Mpɛn ahe na memma wonkaa ntam+ sɛ nokware nkutoo na ka wɔ Yehowa din mu kyerɛ me?”+ 16 Ɛnna ɔkae sɛ: “Hwɛ, mihu Israel sɛ wɔabɔ wɔn nyinaa ahwete wɔ mmepɔw no so sɛ nguan a wonni ɔhwɛfo.+ Na Yehowa aka sɛ: ‘Eyinom nni wura.+ Enti ma obiara nsan nkɔ ne fie asomdwoe mu.’”+

17 Ɛnna Israel hene ka kyerɛɛ Yehosafat sɛ: “Ɛnyɛ asɛm a mekae no na ɛda hɔ yi, sɛ ‘ɔrenhyɛ me ho nkɔm pa bi, na mmom nkɔm bɔne’?”+

18 Na odiyifo no toaa so sɛ: “Enti muntie nea Yehowa wɔ ka:+ Mihu Yehowa sɛ ɔte n’ahengua+ so a ɔsoro asafodɔm+ nyinaa gyinagyina ne nifa ne ne benkum.+ 19 Na Yehowa bisae sɛ, ‘Hena na ɔbɛkɔ akɔdaadaa Israel hene Ahab ma ɔne Ramot-Gilead akɔko na watɔ?’ Afei wɔkasakasae, na oyi ka sɛɛ, na oyi nso aka sɛɛ.+ 20 Akyiri yi, honhom bi+ fi begyinaa Yehowa anim kae sɛ: ‘Me na mɛkɔ akɔdaadaa no.’ Ɛnna Yehowa bisaa no sɛ, ‘Wobɛyɛ no dɛn?’+ 21 Na ɔno nso buae sɛ, ‘Mɛkɔ akɔyɛ atoro honhom wɔ n’adiyifo no nyinaa anom.’+ Ɛnna Onyankopɔn kae sɛ, ‘Wubetumi adaadaa no ampa, nea worekɔyɛ no, ɛbɛyɛ yiye.+ Enti kɔ na kɔyɛ saa.’+ 22 Enti hu sɛ Yehowa de atoro honhom na ahyɛ w’adiyifo yi anom,+ nanso mmusu na Yehowa aka afa wo ho.”+

23 Ɛnna Kenaana+ ba Sedekia+ twiw bɛn Mikaia+ bɛbɔɔ no sotɔre+ bisaa no sɛ: “Ɛhefa na Yehowa honhom nam twaa me ho ne wo bɛkasae?”+ 24 Na Mikaia buaa no sɛ: “Ɛda+ a wobɛhyɛn pia mu akohintaw no na wubehu baabi a ɛnam bae.”+ 25 Ɛnna Israel hene no kae sɛ: “Momfa Mikaia nkɔma amrado Amon ne ɔhene ba Yoas.+ 26 Na monka nkyerɛ wɔn sɛ: ‘Nea ɔhene aka ni: “Momfa saa akoa yi nto nneduadan+ mu, na montew n’aduan+ ne ne nsu so nkosi sɛ mɛsan aba asomdwoe mu.”’”+ 27 Ɛnna Mikaia kae sɛ: “Sɛ wosan ba asomdwoe mu paa de a, ɛnde na ɛnyɛ Yehowa na ɔne me kasae.”+ Na ɔka kaa ho sɛ: “Mo nyinaa nso muntie bi.”+

28 Na Israel hene ne Yuda hene Yehosafat kɔɔ Ramot-Gilead+ so. 29 Ɛnna Israel hene ka kyerɛɛ Yehosafat sɛ: “Mɛsakra me ho+ akɔ akono, nanso wo de, hyɛ wo ntade.”+ Enti Israel hene sakraa ne ho na wɔkɔɔ akono hɔ.+ 30 Ná Siria hene no ahyɛ ne nteaseɛnam so asahene sɛ: “Mo ne akumaa anaa ɔkɛse nnko, Israel hene nko na momfa mo ani nsi no so.”+ 31 Na ɛbae sɛ bere a nteaseɛnam so asahene no huu Yehosafat pɛ, wɔkeka kyerɛɛ wɔn ho sɛ: “Israel hene no ni.”+ Enti wɔkɔɔ no so sɛ wɔne no rekɔko. Ɛnna Yehosafat teɛteɛɛm hwehwɛɛ ɔboafo,+ enti Yehowa boaa no,+ na ɛhɔ ara na Onyankopɔn ma wɔdan fii n’akyi.+ 32 Enti bere a nteaseɛnam so asahene no hui sɛ ɛnyɛ Israel hene no, ntɛm ara na wogyaee n’akyi di.+

33 Na ɔbarima bi tow n’agyan a n’ani nna, na ɛkɔwɔɔ+ Israel hene wɔ n’akotade no mpamee so. Enti ɔhene no ka kyerɛɛ teaseɛnam kafo+ no sɛ: “Dan wo nsa na fa me fi akono ha kɔ, na wɔapira me pira bɔne.”+ 34 Ɔko no mu yɛɛ den saa da no, na wɔde Israel hene no gyinaa teaseɛnam no mu de n’ani kyerɛɛ Siriafo no kosii anwummere. Owia kɔtɔe no, na wawu.+