Kwadwom

2 O hwɛ sɛnea Yehowa abufuw akata Sion so sɛ omununkum!+

Watow Israel ahoɔfɛ+ fi ɔsoro ahwe fam.+

Wankae ne nan ntiaso+ n’abufuw da no.

 2 Yehowa amene Yakob tenabea, wanhu mmɔbɔ.+

Wadwiriw Yuda babea nkurow dennen agu fam,+ n’abufuw mu.

Ɔde no ato fam,+ na wagu n’ahenni+ ne ne mpanyimfo ho fĩ.+

 3 N’abufuw mu na watwitwa Israel mmɛn nyinaa agu.+

Wayi ne nsa nifa ato n’akyi, yɛn atamfo anim;+

Na wadɛw wɔ Yakob so sɛ ogya a ɛrehyew hyia.+

 4 Wakuntun n’agyan mu sɛ ɔtamfo.+ Wayɛ ne nsa nifa+ krado

Sɛ ɔsɛefo,+ na okunkum nea ɛyɛ fɛ wɔ nnipa ani so nyinaa.+

Wahwie n’abufuw agu Sion ntamadan+ mu sɛ ogya.+

 5 Yehowa ayɛ sɛ ɔtamfo.+ Wamene Israel.+

Wamemene n’aban atenten nyinaa;+ wasɛe ne nkurow dennen no.+

Wama awerɛhow ne adwotwa abu so wɔ Yuda babea mu.+

 6 Wabubu ne sese+ basabasa sɛ mfikyifuw.+ Wasɛe n’afahyɛ.

Yehowa ama wɔn werɛ afi afahyɛ+ ne homeda wɔ Sion,

Na n’abufuw kɛse mu, wammu ɔhene ne ɔsɔfo.+

 7 Yehowa atow n’afɔremuka akyene.+ Wahura ne kronkronbea ho.+

Ɔde ne tenabea aban no ahyɛ atamfo nsa.+

Wɔama wɔn nne so wɔ Yehowa fie sɛ afahyɛ da.+

 8 Yehowa abɔ ne tirim sɛ ɔbɛsɛe Sion babea afasu.+

Watwe susuhama+ mu. Onyii ne nsa mfii ɔsɛe ho.+

Wama mpempe ne ɔfasu redi awerɛhow.+ Ne nyinaa agyigya.

 9 N’aponkɛse+ amemem kɔ asase yam. Wasɛe ne mmeamu abubu mu.

Ne hene ne ne mpanyimfo wɔ amanaman no mu.+ Mmara bi nni hɔ.+

N’adiyifo nso nnyaa anisoadehu bi mfii Yehowa hɔ.+

10 Sion babea mpanyimfo tete fam, na wɔayɛ komm wɔ hɔ.+

Wɔde dɔte agu wɔn atifi.+ Wofurafura atweaatam.+

Yerusalem mmaabun ti sisi fam.+

11 Nusu ama m’aniwa abrɛ.+ Me nsono mu hyehye me.+

Me man babea asehwe nti,+ wɔahwie me berɛbo agu fam,+

Efisɛ mmofra ne nkokoaa atotɔ piti wɔ kurow mmɔnten so.+

12 Piti a wɔtotɔ wɔ kurow mmɔnten so sɛ atɔfo

Ne wɔn kra a wɔrehwie gu wɔn maamenom kokom nti,

Wobisa wɔn maamenom sɛ: “Ɛhe na aduan ne bobesa wɔ?”+

13 O Yerusalem babea, dɛn na memfa nyɛ adanse mma wo? Dɛn ho na memfa wo ntoto?+

O Sion babea, ɔbaabun, dɛn na memma ɛne wo nsɛ na menkyekye wo werɛ?+

W’asehwe+ sõ sɛ ɛpo. Hena na obetumi asa wo yare?+

14 Ahuhude ne nnaadaa anisoade na w’adiyifo hu maa wo,+

Wɔanyi wo mfomso adi ankyerɛ wo, anka woankɔ nkoasom mu.+

Ahuhude ne nnaadaa atemmu na wohu maa wo.+

15 Wɔn a wotwam ɔkwan so nyinaa bobɔ wɔn nsam+ gu wo so.

Wɔabɔ hwirema+ awosow wɔn ti+ agu Yerusalem babea so sɛ:

“Kurow a anka wɔfrɛ no ‘Ahoɔfɛ a ewie pɛyɛ, asase nyinaa anika’ no ni?”+

16 W’atamfo nyinaa abue wɔn anom wɔ wo so.+

Wɔbɔ hwirema, na wɔtwɛre wɔn sẽ.+ Wɔka sɛ: “Yɛbɛmene no.+

Ɛda a yɛhwɛɛ kwan no ni.+ Yɛanya! Yɛahu!”+

17 Yehowa ayɛ nea osusuwii no.+ Wawie nea ɔkae no,+

Nea ofi tete nna mu hyɛe no.+ Wadwiriw agu, na wanhu mmɔbɔ.+

Wo so na wama ɔtamfo adi ahurusi.+ Wama w’atamfo mmɛn so kɔ soro.+

18 O Sion babea fasu,+ wɔn koma asu afrɛ Yehowa.+

Ma nusu nsen awia ne anadwo sɛ asubɔnten.+

Ntena hɔ dinn. Mma w’ani kesua nnyɛ komm.

19 Sɔre! Bɔ abubuw anadwo awɛmfo dɔn+ mfiase.

Hwie wo koma gu+ Yehowa anim+ sɛ nsu.

Ma wo nsa so kyerɛ ɔsoro,+ wo mma kra nti,

Wɔn a mmɔnten ntwea so kɔm ama wɔatotɔ piti no nyinaa nti.+

20 O Yehowa, hwɛ na hu+ nea wo ne no adi no yayaayaw saa no.

So ɛsɛ sɛ mmea we wɔn yafumma, wɔn mma ahoɔdenfo a wɔawo wɔn no?+

Anaa Yehowa kronkronbea hɔ na ɛsɛ sɛ wokum ɔsɔfo ne odiyifo?+

21 Mmarimaa ne nkwakoraa+ deda fam mmɔnten so.+

Me mmaabun ne me mmerante atotɔ nkrante ano.+

W’abufuw da na wukum wɔn.+ Woakunkum wɔn;+ woanhu mmɔbɔ.+

22 Woafrɛfrɛ wɔn afi faako a wɔkɔsoɛe nyinaa aba sɛ afahyɛ da.+

Yehowa abufuw da no, obi amfi mu amfi, na obi anka;+

Ahoɔdenfo a mewoo wɔn na meyɛn wɔn no, m’atamfo ama wɔn ase ahyew.+