17 “Dɛn nti na moanwe aboa a wɔde bɔɔ bɔne ho afɔre no wɔ baabi a ɛhɔ yɛ kronkron?+ Munnim sɛ ɛyɛ akronkronne mu ade kronkron a ɔde ama mo sɛ monsoa asafo no mmusu na mompata mma wɔn wɔ Yehowa anim?+

9 “‘Wɔnhwɛ nni m’ahyɛde so na wɔanyɛ bɔne anwuwu,+ akronkronne a wɔagu ho fĩ nti. Me Yehowa na meretew wɔn ho.

18 Yehowa ka kyerɛɛ Aaron sɛ: “Biribiara a obi bɛyɛ atia kronkronbea+ no, wo ne wo mma ne w’agyanom fiefo bɛsoa, na biribiara a obi bɛyɛ atia w’asɔfodi no, wo ne wo mma a wɔka wo ho no bɛsoa.+

11 Obehu ne kra amanehunu,+ na ne koma bɛtɔ ne yam.+ M’akoa+ treneeni no nimdeɛ nti, ɔbɛma nnipa pii anya trenee gyinabea;+ na ɔno ankasa bɛsoa wɔn bɔne.+

21 Nea na onnim bɔne no,+ ɔde no yɛɛ bɔne+ maa yɛn, na yɛnam no so ayɛ Onyankopɔn trenee.+

28 saa ara na wɔde Kristo nso bɔɔ afɔre prɛko+ sɛ ɔnsoa nnipa pii bɔne;+ na ne mprenu so+ a obeyi ne ho adi+ no de, ɛnyɛ bɔne nti na ɔbɛba,+ na obeyi ne ho adi akyerɛ wɔn a wɔhwɛ no kwan denneennen repɛ wɔn nkwagye no.+

24 Ɔno ara na ɔsoaa yɛn bɔne+ wɔ n’ankasa honam mu wɔ dua+ no so sɛnea ɛbɛyɛ a wobegye yɛn afi bɔne mu+ na yɛatena ase ama trenee. Na “ɛnam n’atape so na wɔsaa mo yare.”+