Ɔwɛn-Aban INTANƐT SO NHOMAKORABEA

Ɔwɛn-Aban INTANƐT SO NHOMAKORABEA

INTANƐT SO NHOMAKORABEA

1 Ahene 9:8

Kyerɛw Kronkron—Wiase Foforo Nkyerɛase
- 8 Na ofi yi bɛdan amamfo,+ na obiara a obetwam no behu ama ne ho adwiriw no, na wabɔ hwirema aka sɛ, ‘Ɛyɛɛ dɛn na Yehowa yɛɛ asaase yi ne ofi yi sɛɛ?’+

2 Beresosɛm 36:17

Kyerɛw Kronkron—Wiase Foforo Nkyerɛase
- 17 Enti ɔmaa Kaldeafo hene+ de sekan baa wɔn so bekunkum wɔn mmerante+ wɔ wɔn tenabea kronkron hɔ,+ na aberante oo, ɔbaabun oo, ɔpanyin oo, nea wagow oo, wanhu obiara mmɔbɔ.+ Onyankopɔn de biribiara hyɛɛ ne nsa.+

2 Beresosɛm 36:19

Kyerɛw Kronkron—Wiase Foforo Nkyerɛase
- 19 Ɔhyew nokware Nyankopɔn fi no,+ na odwiriw Yerusalem afasu no gui;+ kurow no abannennen nso, ɔde ogya hyew ne nyinaa, na kurow no mu nneɛma a ɛsom bo nyinaa ɔsɛee no pasaa.+

Dwom 74:8

Kyerɛw Kronkron—Wiase Foforo Nkyerɛase
- 8 Wɔne wɔn asefo nyinaa ka wɔ wɔn komam sɛ:
  
  “Yɛbɛhyew Onyankopɔn nhyiambea a ɛwɔ* asaase no so nyinaa.”

Dwom 79:1

Kyerɛw Kronkron—Wiase Foforo Nkyerɛase
- 79 O Onyankopɔn, amanaman no aba w’agyapade so;+
  Wɔagu w’asɔrefi kronkron no ho fĩ;+
  Wɔasɛe Yerusalem pasaa.+

Yeremia 26:18

Kyerɛw Kronkron—Wiase Foforo Nkyerɛase
- 18 “Mika+ a ofi Moreset hyɛɛ nkɔm wɔ Yuda hene Hesekia bere so,+ na ɔka kyerɛɛ Yudafo nyinaa sɛ: ‘Nea asafo Yehowa aka ni:
  
  “Wobefuntum Sion sɛ afusaase,
  Yerusalem bɛyɛ abo akuwakuw,+
  Na Ofi no bepɔw* no bɛyɛ sɛ kwae mu nkoko.”’+

Kwadwom 2:7

Kyerɛw Kronkron—Wiase Foforo Nkyerɛase
- 7 Yehowa apo n’afɔremuka;
  Watow ne tenabea kronkron no akyene.+
  
  Ɔde n’abannennen no fasu ama atamfo.+
  
  Wɔama wɔn nne so wɔ Yehowa fi+ sɛ afahyɛ da.

Hesekiel 24:21

Kyerɛw Kronkron—Wiase Foforo Nkyerɛase
- 21 ‘Ka kyerɛ Israel fi sɛ: “Nea Awurade Tumfo Yehowa aka ni, ‘Me tenabea kronkron a mode hoahoa mo ho denneennen no, nea mo ani gye ho a ɛda mo koma so* no, merebegu ho fĩ.+ Mo mma mmarima ne mo mma mmea a mugyaw wɔn akyi no, wɔde sekan bekunkum wɔn.+