Hiob

Nea ato me no, sɛ ebi ato mo a,*

Anka metumi aka nsɛm pii atia mo,

Na mawosow me ti de adi mo ho fɛw.+

 5 Nanso anka mede m’anom asɛm bɛhyɛ mo den mmom,

Na anka m’anom awerɛkyekye bɛma mo ho adwo mo.+

 6 Sɛ mekasa a, me yaw no nnyae,+

Na sɛ mankasa nso a, me yaw no so ntew ahe biara.

 7 Nanso seesei wama mabotow;+

Wasɛe me fifo nyinaa.*

 8 Woayere me, na nkurɔfo ahu,

Na me honam mpo di adanse sɛ mafɔn paa.

10 Wɔabue wɔn anom kakraa rebɛmene me,+

Na wɔabɔ m’asom agu m’anim ase;

Wɔaboaboa wɔn ano bebree reba me so.+

11 Onyankopɔn de me ahyɛ mmarimaa nsa,

Na wapia m’atiko de me ahyɛ abɔnefo nsa.+

12 Ná mete hɔ dwoodwoo, nanso ɔwosow me;+

Osoo me kɔn akyi, na obubuu me pasaa,

Na otuu n’ani sii me so.

13 N’agyantofo twa me ho hyia;+

Ɔde agyan wɔ m’asaabo+ mu a onhu me mmɔbɔ;

Ohwie me bɔnwoma gu fam.

14 Mayɛ sɛ ɔfasu a otutu me mu ntokuru daa.

Ɔba me so sɛ ɔsabarima.

15 Mapam awerɛhow ntama* akata me ho,+

Na masie m’anuonyam* wɔ dɔte mu.+

16 Osũ ama m’anim ayɛ kɔɔ,+

Na m’ani akyi ayɛ tumm,*

17 Nanso me nsa nyɛɛ bɔne biara,

Na me mpaebɔ nso ho tew.

19 Seesei mpo, me dansefo te soro;

Nea obetumi adi me ho adanse wɔ sorosoro.

20 Me nnamfo di me ho agoru;+

Onyankopɔn na m’ani tew nisu kyerɛ no.*+

21 Ma obi nni onipa* ne Onyankopɔn ntam asɛm

Sɛnea obi di onipa ne ne yɔnko nipa ntam asɛm no.+

22 Na me mfe kakraa bi na aka ama

Makɔ ɔkwan a merensan mma bio.+