Kɔ Wɔn Nkyɛn Ntɛm

Henanom nkyɛn na yɛnkɔ ntɛm? Wɔn a wɔka sɛ yɛmmrɛ wɔn nhoma anaa nsɛmma nhoma daa anaa wɔbɛpɛ sɛ Ɔdansefo bi bɛsra wɔn wɔ wɔn fie no. Abisade ahorow yi fi he? Efi ankorankoro a wɔne baa dwumadibea no di nkitaho denam krataa anaa telefon anaa Intanɛt so no nkyɛn. Sɛ wɔda anigye a ɛte saa adi a, baa dwumadibea no nam S-70 krataa a asɛmti no ne “Please Arrange for a Qualified Publisher to Call on This Person” no so ma mpɔtam hɔ asafo no te. Sɛ mpanyimfo no nsa ka S-70 krataa no a, ɛsɛ sɛ wɔde ma ɔdawurubɔfo bi a ɔde nsiyɛ bɛkɔ akɔboa onigyeni no ntɛm. Sɛ ɛyɛ den ma ɔdawurubɔfo no sɛ ɔbɛto onipa no wɔ fie a, ɔbɛbɔ mmɔden ne no akasa wɔ telefon so anaasɛ ɔde ahwɛyiye bɛkyerɛw biribi ato hɔ ama no. Sɛ wɔka kyerɛ wo sɛ kɔ obi a ɔte saa nkyɛn a, bɔ mmɔden biara a wubetumi sɛ wobɛkɔ ne nkyɛn ntɛm.