WIASE NSƐM
Afrika
Nnwumakuw ne nnipa pii rebɔ mmɔden sɛ wɔbɛma Afrikafo asetena atu mpɔn. Nanso ɔhaw pii wɔ hɔ a wɔntumi nnyaa ano aduro.
Bɛnkoro Abɛn
Wɔbɔ amanneɛ sɛ afe 2013 mu nkutoo no, ɔmanfoɔ wiaa wɔn ho kunkum abɛnkoro 1,004 wɔ South Africa. Sɛ wode toto 13 a wɔkum wɔn afe 2007 no ho a, wohu sɛ amanfoɔ atu wɔn ani asi mmoa yi so paa. Ɛwom sɛ amanfoɔ akunkum mmoa yi pii atutu wɔn mmɛn atɔn deɛ, nanso ne boɔ mmaa fam. Adɛn ntia? Efisɛ wɔn a wɔrepɛ bi atɔ no dɔɔso. Wei ama abɛn no boɔ ayɛ den sen sika kɔkɔɔ mpo. Obi bɛtumi atɔn abɛn baako agye dɔla 500,000.
SUSU HO: Enti wiase atumfoɔ bɛtumi atu nsɛmmɔnedi ase?—Yeremia 10:23.
Kɛtɛasehyɛ Abu So
Kuw bi a ɛde Transparency International bɔ amanneɛ sɛ, sɛ yɛreka aman a kɛtɛasehyɛ adondɔn wɔn paa a, Afrika Atɔe fam aman na ɛdi kan. Nanso kɛtɛasehyɛ dodow no ara kɔ so dinn a obiara nte ho asɛm. Sɛ kɛtɛasehyɛ bɛyɛ ɔha na ɛrekɔ so a, emu 90 deɛ wɔmmɔ so koraa. Adɛn ntia? Kuw no nanmusini bi a ɔwɔ Kenya ka sɛ: “Ɔmanfo nni ahotɔsoɔ sɛ sɛ wɔka koraa a, aban no bɛyɛ kɛtɛasehyɛ a ɛrekɔ so no ho biribi.”
NEA BIBLE KA: “Deɛ ɔhunu adeɛ yie mpo, adanmudeɛ tumi fira n’ani.”—Exodus 23:8.
Afrikafo Atu Agu Intanɛt So
Kuw bi a ɛde International Telecommunication Union kaa sɛ ɛbɛdu afe 2014 awiei no, na Afrikafo bɛyɛ 100 biara mu 20 de Intanɛt reyɛ adwuma. Sɛ wohwɛ wiase nyinaa a, baabi a nnipa atu agu intanɛt so paa seesei ne Afrika.