Wɔyɛ Nea Wobetumi

Ɛwom sɛ nnipa pii ntumi nhyɛ Yehowa ananmu wɔ mfaso horow a ɔma wonya no nyinaa ho de, nanso wɔyɛ nea wobetumi de boa n’Adansefo no wiase nyinaa asɛmpaka adwuma no. (Mateo 24:14; fa toto Marko 14:3-9 ho.) Eyi ho anigyesɛm bi ne krataa a efi abusua bi a wɔwɔ Minnesota U.S.A hɔ yi:

“Anuanom Adɔfo,

“Yɛde ntoboa $___ remana mo. Yɛsrɛ sɛ wɔmfa mmoa adwuma a wɔyɛ no wiase nyinaa no anaasɛ wɔmfa nto Ahenni Asa Si Foto no mu, anaasɛ wɔmfa nni ahyehyɛde no ahiade foforo biara ho dwuma. . . .

“Yɛwɔ awerɛhyem sɛ mode sika yi bedi dwuma ma ɛne [Yehowa] apɛde ahyia. Yɛpɛ sɛ yɛde hokwan yi hyɛ mo nkuran na moakɔ so ayɛ adwuma pa no, na yɛada mo ase titiriw nso wɔ [Ɔwɛn Aban] Asafo no wiase nyinaa dwumadi ho video no ho. Video yi na ɛma yehuu sɛnea adwuma no yɛ kɛse fa, na ɛma yehui sɛ yɛn ntoboa a yefi yɛn pɛ mu de ma no ho hia. Kan no, na yɛma asafo, ɔmansin, ne ɔmantam no na ɛde ntoboa brɛ mo, nanso afei de yɛda Yehowa ase sɛ wɔanya nneɛma a yɛanhu ankɔ akyiri yi ho boasetɔ na ofi ɔdɔ mu akyerɛ yɛn hia a ehia sɛ yɛn ankasa de sika bɛboa saa nkwagye adwuma yi yɛ, de aka ntoboa afoforo a yɛde ma no ho. Sɛ abusua no, yɛabɔ yɛn tirim sɛ anyɛ yiye koraa no, yɛde $___bɛmana New York tee ɔsram biara.

“Yɛda mo ase bio wɔ mmoa a mode ama yɛn no ne nokwaredi ma Yehowa a moada no adi no ho.”