BIBLE NSƐMMISA HO MMUAEƐ
Sɛnea nnipa asetena bɛyɛ ara ni?
Ɛtɔ mmere bi a wote nka sɛ yɛn nkwa yɛ tiaa dodo?
Aba wo tirim pɛn ama woabisa sɛ, nea enti a yɛwɔ wiase ara ne sɛ yɛbɛdi agorɔ agye yɛn ani, ayɛ adwuma, aware, awo mma, na afei yɛanyinyin na yɛawuwu anaa? (Hiob 14:1, 2) Bible ma yɛhu sɛ anyansafo binom mpo bisaa nsɛm a ɛte saa.—Kenkan Ɔsɛnkafoɔ 2:11.
Dɛn nti na yɛbaa wiase? Nea ɛdi kan no, ɛsɛ sɛ yɛbisa sɛ, Ɛyɛɛ dɛn na nkwa fii ase? Sɛnea nnipa amemene ne akwaa ahorow a aka no yɛ nwonwa nti, ama nnipa pii aka sɛ Ɔbɔadeɛ bi a ɔnim nyansa na ɔbɔɔ ne nyinaa. (Kenkan Dwom 139:14.) Sɛ saa a, ɛnde na ɔwɔ nea nti a ɔbɔɔ yɛn! Sɛ yɛhu nea enti a ɔbɔɔ yɛn a, ɛbɛma yɛanya anigye wɔ asetena mu.
Adɛn nti na wɔbɔɔ nnipa?
Onyankopɔn hyiraa nnipa mmienu a ɔdii kan bɔɔ wɔn no, na ɔmaa wɔn adwuma a ɛyɛ anigye. Ná Onyankopɔn pɛ sɛ wɔhyɛ asase so mã, wɔma asase no nyinaa yɛ paradise, na wɔtena ase daa.—Kenkan Genesis 1:28, 31.
Bere a Adam ne Hawa tee Onyankopɔn nniso so atua no, Onyankopɔn atirimpɔ amma mu amonom hɔ ara. Nanso Onyankopɔn anyi yɛn baako anhyɛ yɛn nsa, na wansesa adwene a ɔwɔ ma nnipa sɛ wɔbɛtena ase daa wɔ asase so no. Bible ma yɛnya ahotoso sɛ Onyankopɔn reyɛ nsiesiei de agye nnipa anokwafo, na ɔbɛma nea enti a ɔbɔɔ asase no abam! Enti Onyankopɔn pɛ sɛ wonya asetena ankasa a na ɔpɛ sɛ adesamma nya no! (Kenkan Dwom 37:29.) Sua Bible no, na hu ɔkwan a w’ankasa wobɛtumi afa so anya nea Onyankopɔn bɛyɛ no so mfaso.