Wubetumi Ayɛ Akwampaefo Boafo August Mu Anaa?
1 So woanya hokwan ayɛ akwampaefo boafo pɛn? Wɔn a wɔatumi ayɛ saa no anya nhyira pii. Onuawa bi kae sɛ: “Meda nhyira kɛse honhom mu ahoɔden ne osuahu fɛfɛ a manya bere a mebɛyɛɛ akwampaefo boafo no ho ase kɛse.” Ɔfoforo nso kae sɛ: “Nneɛma a ɛyɛ nwonwa pii asisi fi bere a mebɛyɛɛ akwampaefo boafo no. Mewɔ Bible adesua horow abien fɛfɛ.” Ebia woanya anigye a ɛte saa ara.
2 Wo de susuw sɛnea wɔkaa asɛmpa no kɔɔ akyiri, sɛnea ɛhyɛɛ Yehowa anuonyam ne sɛnea ɛhyɛɛ anuanom nyinaa nkuran bere a 953 yɛe akwampaefo aboafo ɔman yi mu September mu no ho hwɛ. Bebree rehwɛ bere a wobetumi ayɛ nhyehyɛe ayɛ akwampaefo aboafo bio no kwan. So wubetumi aka wɔn ho? Dɛn nti na wumfi ase nyɛ nhyehyɛe mprempren sɛ wode wo ho bɛhyem!
3 Dɛn na ɛho hia na obi atumi de ne ho ahyem? Ɛsɛ sɛ woyɛ obi a wagye asubɔ, ɔwɔ din pa wɔ Kristofo abrabɔ mu, na wayɛ nhyehyɛe sɛ anyɛ yiye koraa no ɔde nnɔnhwerew 60 bɛkɔ asɛnka ɔsram biara.
4 Mo a mutumi yɛ nhyehyɛe ma ɔsom adwuma titiriw yi no benya nhyira pii bere a mufi ɔkra nyinaa mu som Yehowa ne mo yɔnko nipa no.—Marko 12:30.