Ɔmansin Nhyiam Nhyehyɛe Foforo

Asafo ti no nsa aka nkrataa bebree afi adawurubɔfo ne anuanom akwantufo nkyɛn a ɛkyerɛ sɛnea ɔmansin nhyiam horow a atwam no yɛɛ anigye ne nea ɛho wɔ mfaso. Yɛn ani sɔ eyi na yɛwɔ anidaso sɛ mo ani begye “Twe Wo Ho Fi Wiase Ho” ɔmansin nhyiam no ho afe a ɛreba no.​—Yoh. 17:14.

Esiane nhyɛso horow pii a wiase no de ba no nti, ɛho hia sɛ Yehowa nkurɔfo gyina pintinn wɔ gyidi mu na wɔde wɔn ho bata asafo a ɛwɔ n’ahobammɔ ase no. Ɛno nti na dwumadi no fã biako a wɔato din “Tra a Yɛbɛtra Yehowa Ahobammɔ Ase” no bɛyɛ nea ɛho wɔ mfaso kɛse ama obiara. Yɛbɛka sɛnea yenya Yehowa ahobammɔ nnɛ ho asɛm, na wɔada nsɛm bi a ɛkanyan adwene adi. Nea ɛka ho no, wɔde bere bi besi hɔ de asusuw nea yɛn mmerante ne ɔmansin no nyinaa atumi ayɛ no ho.

Kasa horow a wɔde wie no bɛboa yɛn ma yɛasusuw “Yɛn Biakoyɛ Wɔ Gyidi ne nnwuma Mu a Yebekura” ne “Yɛne Onyankopɔn Adamfofa a Ɛho Wɔ Mfaso” no no. Sɛ wɔkyerɛ nhyiam bere no ara pɛ a, hyɛ no nsow wɔ wo Kalenda so na bɔ mmɔden sɛ wobɛkɔ!