Ɔmansin Nhyiam Horow​—Honhom Mu Nkanyan

Ɔmansin nhyiam nhyehyɛe a ɛyɛ anigye bɛn ara na yɛn nsa kae sɛɛ yi a na ne ti ne “Nokware no a Yɛbɛma Ada Adi wɔ Yɛn Asetra Mu.” (2 Kor. 4:2) Ɛma yehuu hia a ɛho hia sɛ yɛbɔ mmɔden ankasa ma nokware no da adi a ɛnyɛ ɛho dawuru a yɛbɛbɔ nko na mmom da a yɛbɛda no adi wɔ yɛn asetra nyinaa mu.

Ɔmansin nhyiam horow a ebefi ase June no asɛmti ne “Monyɛ Adefo Onyankopɔn Fam, Ɛnyɛ Aniberefo.” (Luka 12:15, 21) Memeneda nhyehyɛe no fa asɛm “Nnipa Nyinaa a Yɛbɛyɛ Wɔn Yiye” no ho. (Gal. 6:10) Ɛbɛhyɛ gyinae a yɛasi sɛ yɛbɛhyehyɛ honhom mu ademude na yɛadi honam fam akɔnnɔ horow a enye so no mu den. Kwasida anɔpa de a ɛne “Asɛm no Yɛfo a Yebenya” no bɛboa yɛn ma yɛn ho akokwaw kɛse wɔ ofie Bible adesua adwuma no mu. Kyerɛwnsɛm no hyɛ yɛn nkuran sɛ ɛnsɛ sɛ yɛyɛ Asɛm no atiefo nko, sɛ́ ɛyɛ asafo nhyiam horow ase anaa nhyiam akɛse ase, na mmom ne yɛfo​—adwumayɛfo wɔ Yehowa som mu.​—Yak. 1:22.

Ɔmansin nhyiam horow yɛ ɔsom a yɛde ma yɛn Nyankopɔn, Yehowa, no fã a ɛho hia. Ɔkasa ahorow a ‘akoa nokwafo’ kuw no asiesie a yebetie no yiye no bɛkanyan yɛn honhom mu na ama yɛanya denhyɛ foforo. Hwɛ sɛ wobɛkɔ mo ɔmansin nhyiam a ɛreba no nyinaa bi. Wubenya honhom mu mfaso pii.