Asɛmpa No Adi A Wɔda
1 So wuhu sɛ asɛm a edi kan a wobɛka wɔ afi mu no taa yɛ asɛmpa a woka no fã a ɛyɛ den ɛse? anso hwɛ yɛn ho a ɛpere yɛn sɛ yɛbɛma nkurɔfo ate Bible mu asɛm a ɛma nkwa no! (Yoh. 17:3; 1 Tim. 4:16) Sɛ yɛbɛyɛ eyi a, ɛho hia sɛ yenya nnianim nsɛm a ɛbɛkanyan anigye wɔ yɛn Nkɔmmɔbɔ Asɛmti no ho.
2 Sɛnea wɔkae wɔ December Yɛn Ahenni Som mu no, amansin so ahwɛfo kɔsra asafo ahorow no a, wɔne wɔn susuw nsɛm ahorow a efi Reasoning From the Scriptures nhoma foforo no mu ho wɔ asɛnka nhyiam no ase. Wosusuw nnianim nsɛm a ɛbɛyɛ nea ɛfata wɔ asafo no asasesin mu ho Wukuda ne Yawda anɔpa. Reasoning nhoma no nkratafa 9-15 da nnianim nsɛm bɛyɛ 40 adi a ebetumi ayɛ nea ɛfa nkɔmmɔbɔ nsɛm pii ho. So wode nsɛm a ɛsom bo yi redi dwuma?
3 Ebia ɛbɛyɛ mmerɛw ama wo sɛ wode nnianim asɛm a ɛto so abiɛsa wɔ kratafa 10 wɔ “BIBLE/GOD” ase no bedi dwuma. Wubetumi aka sɛ: “Ɛyɛ m’anigye sɛ mabɛto wo wɔ fie. Me ne nkurɔfo resusuw nkuranhyɛsɛm bi ho wɔ Bible mu. So woasusuw nea ɛwɔ hɔ ma wo daakye no ho pɛn?” Bere a woatie nea ofiewura bɛka akyi no, ɛnyɛ den sɛ wobɛkɔ so ne no asusuw Adiyisɛm 1:1 ne Adiyisɛm 21:3, 4 ho. Anaasɛ, sɛ tebea no ma ɛyɛ te sɛ nea eye te sɛ woremmɔ Bible no din wɔ w’asɛm no mfiase a, ebia wobɛpɛ sɛ wode nyansahyɛ a edi kan wɔ “FUTURE/SECURITY” ase wɔ kratafa 11 no di dwuma na wokõa no besi Adiyisɛm kyerɛw nsɛm abien no so. Nnianim nsɛm afoforo a ɛwɔ hɔ no a wobɛhwɛ betumi ama woanya nsɛm afoforo a ɛbɛyɛ nea eye wɔ w’asasesin no mu.
4 Reasoning nhoma no fã yi a wode bedi—dwuma yiye no remma ɛnyɛ den sɛ wubenya nnianim nsɛm a ɛho hia titiriw no. Ɛsɛ sɛ eyi ma yetumi bɔ nkɔmmɔ ahorow pii a yebetumi asi Ahenni a ɛyɛ yɛn som adwuma no ti no so dua wom. Momma yɛn nyinaa nkyerɛ afoforo daakye ho anigye ankasa denam nnianim nsɛm a ɛyɛ dɛ so.