Nea Yɛbɛka Afa Nsɛmma Nhoma Ho

Ɔwɛn-Aban Apr. 15

“Mfe kakra a atwam ni, nnipa pii ahu sɛ obu a nnipa wɔ ma honhom fam gyinapɛn no akɔ fam. So woahyɛ eyi nsow? [Ma ommua. Afei kenkan Dwom 119:105.] Honhom fam gyinapɛn betumi aboa nnipa ma wɔakwati asetram asiane ahorow pii. Nsɛmma nhoma yi kyerɛ baabi a yebetumi anya honhom fam gyinapɛn ankasa.”

Nyan! May 8

“Wɔ ɛnnɛ wiase a nneɛma kɔ ntɛmntɛm mu no, nnipa pii ntumi nhu sɛ ebia mmofra renyin ntɛmntɛm dodo anaa. So eyi haw wo? [Twɛn ma ommua. Afei kenkan Ɔsɛnkafo 3:1, 4.] Mmofrabere nyɛ bere a ɛsɛ sɛ wɔde yɛ mpanyimfo nnwuma. Nyan! yi ka sɛnea awofo betumi abɔ wɔn mma ho ban wɔ mmofraberem ho asɛm.”

Ɔwɛn-Aban May 1

“Nsɛmmisa bi wɔ hɔ a nnipa ntumi mma ho mmuae. Hyɛ nhwɛso yi nsow. [Kenkan Hiob 21:7.] So woanya asɛm bi a na wopɛ sɛ wubisa Onyankopɔn pɛn? [Twɛn ma ommua.] Nsɛmma nhoma yi kyerɛ sɛnea nnipa a wɔwɔ asase so mmaa nyinaa anya asetram nsɛmmisa abiɛsa a ɛho hia sen biara ho mmuae a abotɔyam wom.”

Nyan! May 8

“Yɛn mu dodow no ara nim obi a wanya asikreyare. So wunim yare yi ho nsɛm pii? [Fa nsɛmma nhoma no anim kyerɛ no, na twɛn ma ommua.] Nsɛmma nhoma yi yɛ nneɛma a ɛde asikreyare ba ne ɛho ayaresa mu nhwehwɛmu. Ɛka Bible bɔhyɛ a ɛfa tu a wobetu nyarewa nyinaa ase koraa nso ho asɛm.” Kenkan Yesaia 33:24 fa wie.