Nea Yɛbɛka Afa Yɛn Nsɛmma Nhoma Ho

Ɔwɛn-Aban July 1

“Yɛn nyinaa nim nnipa a ɛte sɛ nea biribiara kɔ yiye ma wɔn nanso wɔda so ara te nka sɛ wɔahwere biribi wɔ asetra mu. Wususuw sɛ dɛn na wɔrehwehwɛ? [Twɛn ma ommua. Afei kenkan Mateo 5:3.] Nsɛmma nhoma yi ka ade a ehia paa a ɛde abotɔyam ba—yɛn honhom mu ahiade a yebenya—ho asɛm.”

Nyan! July 8

“Akansi a ɛnnɛ aba adwumayɛ mu no ama adwuma a wonnya nnyɛ abɛyɛ dadwen kɛse. Nsɛmma nhoma yi kyerɛ akwan anum a obi betumi afa so anya adwuma. [Twe adwene si nsɛmti nketewa a wɔakyerɛw no akɛse a ɛwɔ asɛm “Five Keys to Finding a Job” ase no so.] Ɛde nyansahyɛ ahorow a mfaso wɔ so a ɛkyerɛ sɛnea obi betumi akura n’adwuma mu ma.” Kenkan Mmebusɛm 22:29, a wɔafa mu asɛm aka wɔ kratafa 10 no.

Ɔwɛn-Aban July 15

“Wɔ nnipa abakɔsɛm nyinaa mu no, adesamma anya gyidi ahorow pii. Wususuw sɛ yebetumi ahu gyidi no mu nea ɛyɛ nokware ne nea ɛyɛ atoro? [Twɛn ma ommua.] Nsɛmma nhoma yi susuw baabi a yebetumi anya nokware nkyerɛkyerɛ a ɛsɔ Onyankopɔn ani ho.” Kenkan 2 Timoteo 3:16.

Nyan! July 22

“Ɛyɛ awerɛhow paa sɛ wubehu sɛ asiane ato nnipa bi ama wɔrehu amane. [Ma ɛho nhwɛso a wonim wɔ mpɔtam hɔ.] Wususuw sɛ asiane a ɛte saa renya nkɔanim? [Twɛn ma ommua.] Nsɛmma nhoma yi pɛɛpɛɛ asɛmmisa no mu. Afei nso, ɛde awerɛkyekyesɛm ma wɔn a wɔn adɔfo awuwu wɔ asiane a ɛte saa mu no.” Kenkan Yohane 5:28, 29.