Nea Yɛbɛka Afa Nsɛmma Nhoma Ho

Ɔwɛn-Aban July 1

“Sɛ awerɛhosɛm bi si a, ɛyɛ a nnipa pii ntumi nhu sɛ ebia Onyankopɔn dwen nnipa ho ampa na ohu sɛ wɔrehu amane anaa. Woasusuw ho pɛn? [Twɛn ma ommua.] Nsɛmma nhoma yi ka sɛnea Onyankopɔn dwen yɛn ho nnɛ ne nhyehyɛe a wayɛ de reyi amanehunu afi hɔ no ho asɛm.” Kenkan Yohane 3:16.

Nyan! July 8

“Wɔ nnipa pii fam no, babunbere yɛ bere a ɛyɛ anigye nanso nsɛnnennen pii wom, wonnye ntom saa? [Twɛn ma ommua.] Nsɛmma nhoma yi ka nsakrae horow a mmabun fa mu ho asɛm. Ɛsan hwehwɛ afotu a nyansa wom a ebetumi aboa wɔn ama wɔanya anigye wɔ wɔn mmabunbere mu mu.” Kenkan Ɔsɛnkafo 12:1.

Ɔwɛn-Aban July 15

“Sɛ wɔbɔ asɛm bi te sɛ eyi [nea wɔayɛ ho mfonini wɔ anim no] ho amanneɛ nnɛ a, anka nnipa pii rennye nni. Wudwen ho sɛn? [Twɛn ma ommua. Afei kenkan Marko 4:39.] Adanse bɛn na ɛwɔ hɔ sɛ Yesu yɛɛ saa anwonwade ahorow no ampa? Ɔwɛn-Aban yi bua asɛmmisa yi.”

Nyan! July 22

“Ɛnnɛ wiase yi mu no, nsɛmmɔnedifo kɔ so hwehwɛ akwan foforo a wɔbɛfa so asisi nkurɔfo. Ɛyɛ a wudwen eyi ho? [Twɛn ma ommua.] Nyan! yi susuw akwan atitiriw bi a yebetumi afa so asiw nsisi ano ho.” Kenkan Mmebusɛm 22:3.