Nea Yɛbɛka Afa Yɛn Nsɛmma Nhoma Ho

The Watchtower February 1

“Wugye di sɛ yebetumi ahu sɛnea Onyankopɔn te ankasa? [Twɛn ma ommua.] Mewɔ ɛho asɛm bi wɔ ha.” Kenkan asɛm a ɛwɔ asɛmmisa 2 no ase wɔ kratafa 16 ne kyerɛw nsɛm a wɔatwe adwene asi so no mu biako. Fa nsɛmma nhoma no ma no, na yɛ nhyehyɛe a wobɛsan ne no akosusuw asɛm a ɛwɔ asɛmmisa 3 ase no ho.

Awake! February

“Esiane sɛ Bible no yɛ nhoma a akyɛ nti, ebinom susuw sɛ ɛne nyansahu nhyia. Wudwen ho dɛn? [Twɛn ma ommua.] Sɛ nnipa pii te Bible mu asɛm yi a, ɛma wɔn ho dwiriw wɔn. [Kenkan Yesaia 40:22.] Asɛm a ɛwɔ kratafa 22 no bua asɛmmisa a ɛne, So nyansahu ne Bible hyia?”

The Watchtower March 1

“Wonim Yehowa Adansefo wɔ baabiara sɛ wɔyɛ asɛnka adwuma no. So woasusuw nea enti a yɛyɛ saa adwuma yi ho pɛn? [Twɛn ma ommua.] Hyɛ nkyerɛkyerɛmu yi nsow. [Kenkan Mateo 24:14.] Nsɛmma nhoma yi bua nsɛmmisa yi: Dɛn ne asɛmpa no? Dɛn ne Ahenni no? Na dɛn ne awiei a ɛbɛba no?”

Awake! March

“Esiane sɛ nnipa pii reko yare nti, yɛne afoforo resusuw asɛm a ɛhyɛ nkuran yi ho. [Kenkan Yesaia 33:24.] Sɛ nkɔmhyɛ yi ba mu a, nsakrae bɛn na wususuw sɛ ɛbɛba asetenam? [Twɛn ma ommua.] Ansa na Onyankopɔn bɛyɛ saa nsakrae no, nneɛma ahorow bi wɔ hɔ a ɛsɛ sɛ yɛn nyinaa yɛ na ama yɛn akwahosan atu mpɔn. Nsɛmma nhoma yi kyerɛkyerɛ asɛm yi mu.”