Nsɛm a Yebetumi Aka

De afi Bible adesua ase wɔ Memeneda a edi kan wɔ February mu

“Nnipa pii te nka sɛ Ɔbonsam na ɔma wɔyɛ nneɛma bɔne a ɛkɔ so wɔ wiase no. Nanso, wobisa sɛ: ‘Ɛyɛɛ dɛn na Ɔbonsam bae? Onyankopɔn na ɔbɔɔ no anaa?’ Wususuw ho dɛn? [Twɛn ma ommua.] Hyɛ nea yɛrebɛkenkan wɔ ha yi nsow.” Fa asɛm a ɛwɔ February 1, Ɔwɛn-Aban no akyi kyerɛ no, na munsusuw nkyekyɛm a edi kan no ne kyerɛwsɛm biako ho. Fa nsɛmma nhoma no ma no, na yɛ nhyehyɛe san kɔsra no na munsusuw asɛmmisa a edi hɔ no ho.

The Watchtower February 1

“Yɛpɛ sɛ wokyerɛ w’adwene wɔ obi a Kristofo, Yudafo ne Nkramofo nyinaa bu no paa no ho. Saa onipa no ne Mose. Sɛ wote ne din a, dɛn na edi kan ba w’adwenem? [Twɛn ma ommua.] Ɛwom sɛ Mose dii mfomso de, nanso asɛm a Bible ka fa ne ho no yɛ anigye. [Kenkan Deuteronomium 34:10-12.] Nsɛmma nhoma yi ka su pa ahorow a na ɔwɔ no mu abiɛsa ho asɛm, na ɛma yehu nea yebetumi ayɛ de asuasua no.”

Awake! February

“Nnansa yi nkurɔfo tu bata kɔtena ɔman foforo so de hwehwɛ asetena pa. So wususuw sɛ bere nyinaa na wonya nea wɔhwehwɛ no? [Twɛn ma ommua.] Ɛnyɛ nnɛ na nkurɔfo fii ase sɛ wobetu afi wɔn man mu akɔtena ɔman foforo so. Hwɛ eyi ho nhwɛso a ɛwɔ Bible mu nhoma a edi kan pɛɛ no mu. [Kenkan Genesis 46:5, 6.] Nsɛmma nhoma yi bɛkyerɛkyerɛ saa nsɛmmisa no mu.” Fa nsɛmmisa a ɛwɔ kratafa 6 awiei no kyerɛ ofiewura no.