Nea Yɛbɛka Afa Yɛn Nsɛmma Nhoma Ho

The Watchtower March 1

“Ɛsono adwene a obiara kura wɔ Yesu ho. Wubu no sɛ Onyankopɔn ba anaasɛ onipa pa bi kɛkɛ?” Twɛn ma ommua. Afei wo ne no nkenkan asɛm a ɛwɔ nsɛmmisa a wɔde nkyerɛwde tuntum akɛse akyerɛw ase wɔ kratafa 16-17 ne kyerɛw nsɛm a wɔatwe adwene asi so no mu biako. Fa nsɛmma nhoma no ma no, na yɛ nhyehyɛe a wobɛsan ne no akosusuw asɛmmisa a edi hɔ no mmuae ho.

Awake! March

Sɛ wuhyia ɔbabun bi a, fa asɛm a ɛwɔ kratafa 26 no kyerɛ no. Fa asɛmti ketewa a edi kan no kyerɛ no, na bisa no sɛ, “So nsɛm a ɛwɔ ha yi yɛ nokware anaa atoro? [Twɛn ma ommua. Afei kenkan 2 Korintofo 7:1.] Asɛm yi kyerɛkyerɛ nea ɛsɛ sɛ wuhu fa tawanom ne ɔkwan a wɔbɛfa so agyae ne nom ho mu.”

The Watchtower April 1

“Ɛsono gyidi a nnipa pii kura wɔ Yesu ho. Wugye di sɛ ɛho hia sɛ yehu ne ho nokwasɛm? [Twɛn ma ommua. Afei kenkan Yohane 17:3.] Nsɛmma nhoma yi ma yehu nea Bible ka fa Yesu ho—baabi a ofi bae, ɔkwan a ɔfaa so bɔɔ ne bra, ne nea enti a obewui.”

Awake! April

“Ade a ɛyɛ yaw paa a adesamma hyia biako ne wɔn adɔfo a wɔhwere wɔn wɔ owu mu no, ɛnte saa anaa? [Twɛn ma ommua.] Afotu a ɛwɔ ha yi aboa nnipa pii. [Kenkan Dwom 55:22.] Nsɛmma nhoma yi kyerɛ yɛn ɔkwampa a yebetumi afa so agyina awerɛhow ano, ne sɛnea yɛbɛdan yɛn adesoa ato Onyankopɔn so.”