“Akwan a Yɛbɛfa so De Nsɛmma Nhoma Ama wɔ . . .”

Wɔtaa de nsɛmma nhoma a yɛde bɛma ho akwankyerɛ ba Ɔsom Nhyiam dwumadi no fã bi mu ɔsram biara. Ɛnyɛ atirimpɔw no ne sɛ yɛde besusuw nsɛmma nhoma ahorow no mu nsɛm ho. Mmom wɔyɛɛ saa ɔfã yi sɛ yɛmfa nsusuw akwan a yɛbɛfa so de nsɛmma nhoma ama ho. Enti sɛnea ɛho akwankyerɛ no kyerɛ no, ɛsɛ sɛ onua a ɔbɛyɛ ɔfã yi de nnianim nsɛm tiawa kanyan nsɛmma nhoma no ho anigye. Sɛ nsɛmma nhoma no wɔ kasa a mo asafo no ka mu a, momfa ɛno nni dwuma. Afei ɔma adawurubɔfo ka sɛnea wɔde nsɛmma nhoma no mu asɛm biako (anaa emu nsɛm bi a edidi so) no mu biako bedi dwuma ho asɛm, sɛnea ɛbɛyɛ a obiara betumi adi akyi na wɔahyɛ nsɛm a wɔbɛpɛ sɛ wɔde di dwuma no nsow. Sɛ́ anka ɔbɛma atiefo aka ɔkwan a wɔbɛfa so de ama ho asɛm nyinaa no, ɔma atiefo pii kyerɛ wɔn adwene wɔ nsɛm a ɛkanyan anigye a wobebisa ne afei, kyerɛw nsɛm a wɔpɛ sɛ wɔkenkan ho. Ɔma wɔyɛ sɛnea wɔde nsɛmma nhoma no mu biara bɛma ho ɔyɛkyerɛ de wie. Wɔhyɛ yɛn nkuran sɛ yenni kan nkenkan nsɛmma nhoma no ansa na yɛaba, na yensiesie yɛn ho sɛ yɛbɛkyerɛ ɔkwan a yɛbɛfa so de ama. Sɛ yɛn nyinaa siesie yɛn ho yiye a, eyi bɛma yɛaboa yɛn ho yɛn ho ma yɛatu mpɔn wɔ sɛnea yɛde nsɛmma nhoma ma mu.—Mmeb. 27:17.