Sɛnea Yɛde Asɛmpa Nhomawa no Bɛyɛ Bible Adesua

Kenkan asɛmmisa a wɔde nkyerɛwde tuntum paa akyerɛw no, na ofiewura no atumi de n’adwene asi asɛntitiriw no so.

Kenkan nkyekyɛm a edi hɔ no.

Kenkan kyerɛwsɛm a ɛwɔ nkyekyɛm biara awiei no, na fa anifere bisa ofiewura no nsɛm na aboa no ma wahu sɛnea kyerɛw nsɛm no bua asɛmmisa no.

Sɛ nkyekyɛm foforo wɔ asɛmmisa no ase a, tĩ ɔfã a ɛto so 2 ne 3 a yɛaka ho asɛm no mu. Bere a adesua no rekɔ so no, sɛ video bi wɔ jw.org a ɛne asɛmmisa no hyia a, yi kyerɛ no.

Ma ommua asɛmmisa no. Eyi bɛma woahu sɛ ɔte nea moresua no ase anaa.