Ma Yehowa Nkyerɛkyerɛ Wo

NEA ENTI A ƐHO HIA: Yehowa a ɔyɛ Ɔkyerɛkyerɛfo Kɛse no de nkyerɛkyerɛ a etu mpɔn pa ara ma yɛn. Nkyerɛkyerɛ a ɔde ma yɛn no boa ma yɛn asetena tu mpɔn na esiesie yɛn ma nneɛma pa a ɛbɛba daakye no. Nanso ɔde ne nyinaa kyɛ yɛn kwa! (Yes 11:6-9; 30:20, 21; Adi 22:17) Yehowa kyerɛkyerɛ yɛn, na ɔtete yɛn ma yetumi ka asɛm a egye nkwa no kyerɛ afoforo.​—2Ko 3:5.

SƐNEA WOBƐYƐ NO:

• Brɛ wo ho ase.​—Dw 25:8, 9

• Ntetee a seesei Yehowa de rema wo no, gye tom. Ebi te sɛ asuafo dwumadi a wɔde ma wɔ asafo nhyiam a yɛyɛ no nnawɔtwe no mu no

• Fa botae ahorow sisi w’ani so wɔ Yehowa som mu.​—Flp 3:13

• Fa nneɛma bɔ afɔre sɛnea ɛbɛyɛ a wubenya ntetee foforo wɔ Yehowa som mu.​—Flp 3:8

HWƐ VIDEO A YƐATO DIN YEHOWA NKYERƐKYERƐ AMA YƐANYA NHYIRA PII NO, NA BUA NSƐMMISA A EDIDI SO YI:

• Akwanside bɛn na adawurubɔfo bi dii so ansa na wɔretumi akɔ Ahenni Asɛmpakafo Sukuu no bi?

• Ntetee bɛn na Ahenni Asɛmpakafo Sukuu no ma obi tumi nya?

• Sɛ wɔn a wɔawie Ahenni Asɛmpakafo Sukuu no kɔ baabi a wɔrekɔsom no a, dɛn na asafo no mufo yɛ de boa wɔn?

• Sɛ obi pɛ sɛ ɔkɔ Ahenni Asɛmpakafo Sukuu no bi a, dɛn na wɔhwehwɛ fi ne hɔ? (kr 189)

• Ntetee foforo bɛn na wubetumi anya wɔ Yehowa ahyehyɛde no mu?