Henanom Na Mɛto Nsa Afrɛ Wɔn?

Afe biara, sɛ edu Nkaedi bere a, yɛyɛ nea yebetumi biara to nsa frɛ nnipa a wɔwɔ yɛn asasesin mu ma wɔba bi. Nnipa a yɛto nsa frɛ wɔn no mu pii wɔ hɔ a, yennim wɔn. Nanso saafo no da nkyɛn a, ɛsɛ sɛ yɛto nsa frɛ wɔn a yenim wɔn. Sɛ yɛto nsa frɛ nkurɔfo a yenim wɔn dedaw a, ɛnyɛ den koraa sɛ wɔbɛba Nkaedi no bi. (yb08-E 11 ¶3; 14 ¶1) Henanom na wubetumi ato nsa afrɛ wɔn?

• W’abusuafo

• W’adwumamfo anaa wo sukuufo

• Wo mpɔtamfo

• Wɔn a wokɔ wɔn hɔ sankɔhwɛ, wo Bible asuafo a wo ne wɔn nsua ade bio, ne wɔn a wo ne wɔn sua ade seesei

Afei nso, mpanyimfo no bɛto nsa afrɛ wɔn a wɔagyae asɛnkakɔ. Nanso sɛ obi a wunim no nte wo mpɔtam hɔ a, dɛn na wobɛyɛ? Sɛ wokɔ jw.org/tw a, wubetumi ahu bere ne beae a wɔbɛyɛ Nkaedi no bi wɔ ne mpɔtam hɔ. Wokɔ wɛbsaet no so a, klik ɔfã a wɔato din YƐN HO NSƐM, na klik “Nkaedi.” Bere a woresiesie wo ho ama afe yi Nkaedi no, bisa wo ho sɛ, ‘Henanom na metumi ato nsa afrɛ wɔn?’ na yɛ saa.