Ma Nkurɔfo Nhu Sɛ Ɛrenkyɛ Koraa Wiase Foforo Bi Bɛba!

November mu no, yɛbɛyɛ ɔsatu titiriw bi ama nkurɔfo ahu sɛ ɛrenkyɛ koraa wiase foforo bi bɛba. (Dw 37:10, 11; Adi 21:3-5) Enti toto wo nneɛma yiye sɛnea ɛbɛyɛ a wubetumi de wo ho ahyɛ ɔsatu titiriw yi mu. Wɔn a wɔbɛyɛ akwampae boafo saa bosome no betumi de nnɔnhwerew 30 anaa 50 ayɛ asɛnka adwuma no.

Bɔ mmɔden sɛ wobɛkenkan kyerɛwsɛm bi a ɛfa wiase foforo no ho akyerɛ nnipa dodow biara a wubetumi. Sɛ worepɛ kyerɛwsɛm a wode bɛyɛ adwuma a, hwɛ nea nkurɔfo a wɔwɔ w’asaasesin mu no ani begye ho. Sɛ wo ne obi bɔ nkɔmmɔ na n’ani gye ho a, ma no Ɔwɛn-Aban No. 2 2021 no bi. Afei, yɛ nhyehyɛe na wo ne no ntoa nkɔmmɔ a mobɔe no so ntɛm ara. Bɔ mmɔden sɛ wode Wubetumi Anya Anigye Daa! nhomawa no befi Bible adesua ase. “Adepa ho asɛmpa” a yɛbɛka ho asɛm akyerɛ nkurɔfo saa bere no bɛma yɛn ani agye paa!—Yes 52:7.

HWƐ DWOM A ENNI YƐN NNWOM NHOMA MU VIDEO A YƐATO DIN WIASE FOFORO NO MU NO. WUWIE A, BUA NSƐMMISA A EDIDI SO YI:

• Daakye a ɛyɛ anigye bɛn na abeawa no redwinnwen ho?

• Nneɛma a yɛn nsa bɛka wɔ wiase foforo no mu no, emu nea ɛwɔ he na worehwɛ kwan paa?

• Sɛ yedwinnwen daakye papa a ɛda yɛn anim no ho a, adɛn nti na ɛbɛboa yɛn ama yɛayere yɛn ho ayɛ November ɔsatu no?—Lu 6:45