Zaburi
89 Nitaimba kuhusu jinsi Yehova anavyoonyesha upendo mshikamanifu milele.
Kwa kinywa changu ninavitangazia vizazi vyote uaminifu wako.
2 Kwa maana nimesema: “Upendo mshikamanifu utajengwa* milele,+
Nawe umeuimarisha kabisa uaminifu wako mbinguni.”
4 ‘Nitauimarisha kabisa uzao wako*+ milele,
Nami nitakijenga kiti chako cha ufalme kwa vizazi vyote.’”+ (Sela)
5 Mbingu zinasifu maajabu yako, Ee Yehova,
Naam, uaminifu wako katika kutaniko la watakatifu.
6 Kwa maana ni nani mbinguni anayeweza kulinganishwa na Yehova?+
Ni nani miongoni mwa wana wa Mungu+ aliye kama Yehova?
7 Mungu anaogopwa katika baraza* la watakatifu;+
Yeye ni mtukufu na mwenye kuogopesha kwa wote wanaomzunguka.+
8 Ee Yehova Mungu wa majeshi,
Ni nani aliye na nguvu kama wewe, Ee Yah?+
Uaminifu wako unakuzunguka.+
10 Umemponda Rahabu+ kama mtu aliyeuawa.+
Kwa mkono wako wenye nguvu umewatawanya maadui wako.+
14 Uadilifu na haki ndio msingi wa kiti chako cha ufalme;+
Upendo mshikamanifu na uaminifu husimama mbele zako.+
15 Wenye furaha ni watu wanaojua kelele za shangwe.+
Ee Yehova, wanatembea katika nuru ya uso wako.
16 Wanashangilia mchana kutwa kwa sababu ya jina lako,
Na kwa sababu ya uadilifu wako wanakwezwa.
18 Kwa maana ngao yetu ni ya Yehova,
Mfalme wetu ni wa Mtakatifu wa Israeli.+
19 Wakati huo uliwaambia hivi washikamanifu wako katika maono:
21 Mkono wangu utamtegemeza,+
Na mkono wangu utamwimarisha.
22 Hakuna adui atakayemtoza ushuru,
Na hakuna mwovu atakayemkandamiza.+
24 Uaminifu wangu na upendo wangu mshikamanifu uko pamoja naye,+
Na katika jina langu nguvu zake zitakwezwa.*
26 Atasema kwa sauti: ‘Wewe ni Baba yangu,
Mungu wangu na Mwamba wa wokovu wangu.’+
28 Nitadumisha upendo wangu mshikamanifu kumwelekea milele,+
Na agano langu nililofanya pamoja naye halitavunjika kamwe.+
30 Wanawe wakiiacha sheria yangu
Na wasipotembea kulingana na maagizo yangu,*
31 Wakizivunja sheria zangu
Na wasiposhika amri zangu,
32 Basi nitaadhibu uasi wao* kwa fimbo+
Na kosa lao kwa viboko.
33 Lakini sitaacha kamwe kumtendea kwa upendo wangu mshikamanifu+
Wala sitakosa kutimiza ahadi yangu.*
35 Nimeapa katika utakatifu wangu, mara moja kwa wakati wote;
Sitamwambia Daudi uwongo.+
37 Kama mwezi, kitaimarishwa kabisa milele
Kama shahidi mwaminifu angani.” (Sela)
38 Lakini wewe mwenyewe umemtupa mbali na kumkataa;+
Umemkasirikia sana mtiwa-mafuta wako.
39 Umelikataa kwa dharau agano ulilofanya na mtumishi wako;
Umelichafua* taji lake kwa kulitupa ardhini.
40 Umezivunja kuta zake zote za mawe;*
Umezifanya ngome zake kuwa magofu.
41 Wote wanaopita karibu naye wamempora;
Yeye ni shutuma kwa jirani zake.+
43 Pia umeusukuma nyuma upanga wake,
Na kumfanya ashindwe vitani.
44 Umekomesha fahari yake
Na kukitupa ardhini kiti chake cha ufalme.
45 Umefupisha siku zake za ujana;
Umemvisha aibu. (Sela)
46 Ee Yehova, utaendelea kujificha mpaka lini? Utajificha milele?+
Je, ghadhabu yako itaendelea kuwaka kama moto?
47 Kumbuka jinsi maisha yangu yalivyo mafupi!+
Je, uliwaumba wanadamu wote bila kusudi?
48 Ni mwanadamu gani anayeweza kuishi na asione kifo kamwe?+
Je, anaweza kujiokoa mwenyewe* kutoka katika nguvu za Kaburi?* (Sela)
49 Yako wapi matendo yako ya zamani ya upendo mshikamanifu, Ee Yehova,
Ambayo ulimwapia Daudi katika uaminifu wako?+
50 Kumbuka, Ee Yehova, dhihaka ambazo watumishi wako wanavurumishiwa;
Jinsi ninavyolazimika kuvumilia* dhihaka za mataifa yote;
51 Jinsi ambavyo maadui wako wamevurumisha matusi, Ee Yehova;
Jinsi ambavyo wameitukana kila hatua ya mtiwa-mafuta wako.
52 Yehova na asifiwe milele. Amina na Amina.+