Isaya
2 Na kila mmoja atakuwa kama mahali pa kujificha* kutokana na upepo,
Na mahali pa kujisitiri* kutokana na dhoruba ya mvua,
Kama vijito vya maji katika nchi isiyo na maji,+
Kama kivuli cha jabali kubwa katika nchi iliyokauka.
3 Kisha macho ya wale wanaoona hayatafungwa tena,
Na masikio ya wale wanaosikia yatasikiliza.
4 Moyo wa wale wanaofanya mambo bila kufikiri utatafakari ujuzi,
Na ulimi wa wenye kigugumizi utazungumza kwa ufasaha na waziwazi.+
5 Mtu mpumbavu hataitwa tena mkarimu,
Na mtu asiye na msimamo hataitwa mheshimiwa;
6 Kwa maana mtu mpumbavu atazungumza upumbavu,
Na moyo wake utatunga mambo yanayodhuru,+
Ili kuendeleza uasi imani* na kusema mambo mapotovu dhidi ya Yehova,
Kusababisha mwenye njaa akae njaa
Na kumnyima mwenye kiu maji ya kunywa.
7 Mipango ya mtu asiye na msimamo ni mibaya;+
Anaendeleza mwenendo wa aibu
Ili kumwangamiza kwa uwongo mtu anayeteseka,+
Hata maskini anaposema jambo lililo sawa.
8 Lakini mtu mkarimu ana nia ya ukarimu,
Naye huendelea kutenda matendo ya ukarimu.*
9 “Enyi wanawake mnaopuuza mambo, simameni msikilize sauti yangu!
Enyi mabinti msiojali,+ sikilizeni ninachosema!
10 Katika muda unaozidi mwaka mmoja hivi, ninyi msiojali mtatetemeka,
Kwa sababu hakuna matunda yatakayokuwa yamekusanywa mavuno ya zabibu yatakapokwisha.+
11 Tetemekeni, ninyi wanawake mnaopuuza mambo!
Tetemekeni, ninyi msiojali!
Vueni nguo mbaki uchi,
Na mvae nguo za magunia viunoni.+
12 Pigeni vifua vyenu kwa kuomboleza
Kwa sababu ya mashamba yanayotamanika na mzabibu unaozaa matunda mengi.
13 Kwa maana ardhi ya watu wangu itafunikwa kwa miiba na michongoma;
Itazifunika nyumba zote zenye furaha,
Naam, jiji la shangwe.+
14 Kwa maana mnara wenye ngome umeachwa;
Jiji lenye kelele limeachwa.+
Ofeli+ na mnara wa mlinzi vimebaki ukiwa daima,
Mahali panapopendwa na punda wa mwituni,
Malisho ya mifugo,+
15 Mpaka roho itakapomiminwa juu yetu kutoka juu,+
Na nyika iwe shamba la matunda,
Na shamba la matunda lionwe kuwa msitu.+
16 Kisha haki itakaa nyikani,
Na uadilifu utakaa katika shamba la matunda.+
17 Matokeo ya uadilifu wa kweli yatakuwa amani,+
Na mazao ya uadilifu wa kweli yatakuwa utulivu wa kudumu na usalama wa kudumu.+
18 Watu wangu watakaa katika makao ya kudumu yenye amani,
Katika makao salama na mahali pa kupumzika penye utulivu.+
19 Lakini mvua ya mawe itauangusha chini msitu,
Na jiji litabomolewa kabisa.