Skʼan cha vojtikin ti Diose

Sventa cha kʼot ta yamiko ti Diose skʼan cha vojtikin. Li avamikotake snaʼojik li abie xchiʼuk tstunik, ¿mu jechuk? Yuʼun jech, ti Dios eke tskʼan ti cha nabe li sbie xchiʼuk cha tunbe. Li sbi ti Diose jaʼ Jeova (Salmo 83:18; Mateo 6:9). Jech xtok skʼan cha chan li kʼusi tskʼupin xchiʼuk li kʼusitik mu skʼupine, buchʼutik li yamikotake xchiʼuk buchʼutik li skontratake. Chjalij ta ojtikinel lek buchʼuuk noʼox, jaʼ yuʼun li Bibliae ta xal ti jaʼ toj lek mi chichʼ chʼakel kʼakʼal sventa xichʼ ojtikinel ti Jeovae (Efesios 5:15, 16).

Li yamikotak ti Diose jaʼ ta spasik li kʼusi tskʼupine. Nopo avaʼi li ta avamikotake. Mi voʼot chopol kʼusi cha pasbe xchiʼuk cha pasbe li kʼusi mu skʼupinike, ¿mi jaʼ to van avamikotak? ¡Ta melel moʼoj! Xkoʼolaj, mi cha kʼan cha kʼot ta yamiko ti Diose jaʼ skʼan cha pas li kʼusi tskʼupine (Juan 4:24).

Mu skotoluk li relijionetik chkoltavan sventa yamikoinel ti Diose. Jesus, li toj lekil amiko yuʼun Diose, la yal ti oy chib be: June jamal xchiʼuk noj ta krixchanoetik. Li be liʼe jaʼ ch-ikʼvan batel ta lajel. Li yane jaʼ bikʼit xchiʼuk jutuk li krixchanoetik te chbatike. Li be liʼe jaʼ ch-ikʼvan batel ta kuxlejal sbatel osil. Liʼe jaʼ smelolal ti mi cha kʼan cha vamikoin ti Diose, skʼan xa naʼ ti kʼux-elan lek cha muyubtae (Mateo 7:13, 14).