¿Kʼusi chanop?

¿Mi xuʼ skoltaot li Vivlia sventa xakʼot ta yamigo li Diose?

LI KʼUSI TSNOP JLOM KRIXCHANOETIKE

Oy buchʼutik chalik ti mu xuʼ xkʼotik ta yamigo li Diose, yuʼun chopol chaʼi sbaik ta skoj ti la toʼox spas smulike. Yantik xtoke chalik ti muʼyuk onoʼox la bu tsvul yoʼonton ta jtojolaltik li Diose. ¿Kʼusi chanop li voʼote?

LI KʼUSI CHAL LI VIVLIAE

Li Diose jaʼ chamigoin li buchʼutik tukʼ yoʼontonike (Proverbios 3:32). Jaʼ yuʼun mi ta jchʼunbetik smantale xuʼ xijkʼot ta yamigo.

¿KʼUSI TO MAS CHAL LI VIVLIAE?

Li Diose tskʼan ti xijkʼot ta yamigoe (Santiago 4:8).
Li Diose tskʼan tskoltautik xchiʼuk chakʼutik ta perton jech kʼuchaʼal tspas jun jlekil amigotike (Salmo 86:5).
Li yamigotak Diose tspʼajik li kʼusi chopole xchiʼuk jaʼ tspasik li kʼusi lek chile (Romanos 12:9).

Mi chakʼanbe to mas yaʼyejal ta sventa kʼu yelan skʼan jkuxlejaltik sventa lek xil li Diose, kʼelo ta kapitulo 12 li ta livro, ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae. Xuʼ xayales ta jw.org.