VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
tsotsil
ʼ
  • ʼ
  • VIVLIA
  • VUNETIK
  • TSOBAJELETIK
  • es23 paj. 26-36
  • Marso

Muʼyuk svideoal.

Paso perton, mu stij li videoe.

  • Marso
  • Jkʼeltik skotol kʼakʼal li Skʼop Diose 2023
  • Subtituloetik
  • Mierkoles 1 yuʼun marso
  • Jueves 2 yuʼun marso
  • Viernes 3 yuʼun marso
  • Savado 4 yuʼun marso
  • Domingo 5 yuʼun marso
  • Lunes 6 yuʼun marso
  • Martes 7 yuʼun marso
  • Mierkoles 8 yuʼun marso
  • Jueves 9 yuʼun marso
  • Viernes 10 yuʼun marso
  • Savado 11 yuʼun marso
  • Domingo 12 yuʼun marso
  • Lunes 13 yuʼun marso
  • Martes 14 yuʼun marso
  • Mierkoles 15 yuʼun marso
  • Jueves 16 yuʼun marso
  • Viernes 17 yuʼun marso
  • Savado 18 yuʼun marso
  • Domingo 19 yuʼun marso
  • Lunes 20 yuʼun marso
  • Martes 21 yuʼun marso
  • Mierkoles 22 yuʼun marso
  • Jueves 23 yuʼun marso
  • Viernes 24 yuʼun marso
  • Savado 25 yuʼun marso
  • Domingo 26 yuʼun marso
  • Lunes 27 yuʼun marso
  • Martes 28 yuʼun marso
  • Mierkoles 29 yuʼun marso
  • Jueves 30 yuʼun marso
  • Viernes 31 yuʼun marso
Jkʼeltik skotol kʼakʼal li Skʼop Diose 2023
es23 paj. 26-36

Marso

Mierkoles 1 yuʼun marso

Ti kʼusi la apasbeik junuk li buchʼu mas bikʼit skʼoplal li kermanotak liʼe voʼon la apasbeikun (Mat. 25:40).

Li chijetik chalbe skʼoplal li ta lokʼolkʼop ta Mateo 25:31-36 jaʼik li buchʼutik tukʼ chakʼ sbaik li ta slajebal kʼakʼale xchiʼuk ti smalaoj chkuxiik liʼ ta balumile, jaʼ xkaltik, jaʼik li yan chijetike. Ta sjunul yoʼonton tskoltaik li yermanotak Kristo ti liʼ to oyik ta balumile. Tskoltaik ta xcholel mantal ta spʼejel balumil xchiʼuk ta chanubtasvanej (Mat. 24:14; 28:19, 20). Jujun jabil kʼalal jutuk xa skʼan li Konmemorasione, li yan chijetike chakʼik ta ilel ti tskoltaik li yermanotak Kristoe. ¿Kʼuxi? Jaʼo kʼalal tstakik ta ikʼel yantik sventa xbatik li ta Konmemorasione. Ta spʼejel balumil chchapanik li Konmemorasione. Li yan chijetike xmuyubajik ti jaʼ jech tskoltaik li yermanotak Kristoe. Yuʼun snaʼojik ti kʼalal tskoltaik li buchʼutik chbatik ta vinajele, jaʼ yakal chichʼ koltael chaʼi li Jesuse (Mat. 25:37-40). w22.01 22 par. 11, 12

Jueves 2 yuʼun marso

Yiloj xa Totil ek li buchʼu yilojune (Juan 14:9).

Ta jchanbetik stalelal Jeova kʼalal jaʼ jech chkakʼ ta ilel jtalelaltik kʼuchaʼal li Jesuse xchiʼuk ti jaʼ jech chkiltik yantik kʼuchaʼal stuke. Jech kʼuchaʼal liʼe, ta slekil yoʼonton la xpoxta li jun vinik ti ip ta kʼaʼemal chamele, laj yaʼibe xkʼuxul svokol jun ants ti tsots ipe xchiʼuk kʼuxubaj ta yoʼonton li buchʼutik cham yutsʼ yalalike (Mar. 1:40, 41; 5:25-34; Juan 11:33-35). Mi chkakʼtik persa ta xchanbel stalelal li Jeovae, mas to me chijnopaj ta stojolal. Mi ta jtsʼaklibetik li yav yok Jesuse, muʼyuk tsmakutik ta mantal li chopol balumil liʼe. Kʼalal jun xa ox akʼobal skʼan xcham li Jesuse, xi laj yale: «Jtsaloj xa li balumile» (Juan 16:33). ¿Kʼusi la skʼan laj yal taje? Jaʼ ti muʼyuk jelbat snopben yuʼun li chopol balumil liʼe, ti xjelbat li kʼusitik tspase o li kʼusitik tskʼan tstae. Laj yakʼ persa sventa teuk-o ta sjol ti tal ta balumil sventa spakbe skʼoplal li sbi Jeovae. Toj ep kʼusitik xuʼ xchʼay-o koʼontontik ek li ta balumil liʼe. Pe mi jaʼ laj kakʼ ta koʼontontik spasbel li yabtel Jeova jech kʼuchaʼal la spas Jesuse, ta me jpastik ta kanal ek li balumile (1 Juan 5:5). w21.04 3, 4 par. 7, 8

Viernes 3 yuʼun marso

Muʼyuk kʼusi xuʼ xchʼakutik lokʼel li ta kʼanelal yuʼun Diose (Rom. 8:39).

Li jtakbol Pabloe snaʼoj lek ti laj yal Jesus ti chkuxi sbatel osil skotol «li buchʼu chakʼ xchʼunel yoʼonton ta stojolale» (Juan 3:16; Rom. 6:23). Jamal xvinaj ti xchʼunoj lek Pablo ti tstabe sbalil li pojelale, jpʼel ta yoʼonton ti ch-akʼbatik perton yuʼun Jeova li buchʼutik tsutes yoʼontonik akʼo mi tsots li kʼusi spasojike (Sal. 86:5). Li Pabloe xchʼunoj lek ti kʼanbil yuʼun Dios ta skoj ti la stak talel Xnichʼon yoʼ xcham ta stojolale. Jkʼeltik li kʼusi toj kʼupil sba chal ta Galatas 2:20. Xi chale: «Li Xnichʼon Dios ti jaʼ li buchʼu la skʼanun xchiʼuk ti laj yakʼ sba ta jtojolale». Li Pabloe muʼyuk la snop ti mu sta-o ti xkʼanat yuʼun li Diose. Mu xiuk la snope: «Jnaʼoj ti skʼanoj kermanotak li Jeovae, pe muʼyuk onoʼox tskʼanun maʼ voʼone». Jech xtok, xi laj yalbe li ermanoetik ta Romae: «Cham ta jtojolaltik Kristo kʼalal jpasmulilutik toʼoxe» (Rom. 5:8). Muʼyuk spajeb ti kʼu yelan skʼanojutik li Diose. Li Pabloe jpʼel ta yoʼonton ti skʼanojutik tajek li Diose. Snaʼoj lek ti laj yakʼ ta ilel smalael yuʼun ta stojolal li jteklum Israele. w21.04 22 par. 8-10

Savado 4 yuʼun marso

Liʼe jaʼ smelolal ti jkʼanojtik li Diose: ti jchʼunbetik li smantaltake (1 Juan 5:3).

Kʼalal oy buchʼu chkakʼbetik estudioe, jkoltatik yoʼ xlik skʼan li Jeovae. Jsabetik lek yorail sventa xkalbetik li slekil talelaltak Jeovae. Jkoltatik yoʼ xakʼ venta ti xmuyubaj noʼox li Jeovae xchiʼuk ti muʼyuk chiktautik jtuktik mi jkʼanojtike (1 Tim. 1:11; Ebr. 11:6). Kakʼbetik yil kʼuxi tstabe sbalil mi laj yakʼ ta xkuxlejal li kʼusi chchane xchiʼuk jchapbetik smelolal ti jaʼ svinajeb ti kʼanbil yuʼun li Jeovae (Is. 48:17, 18). Mi skʼanoj tajek li Jeovae, mas ch-ayan ta yoʼonton tsjel xkuxlejal. Sventa xichʼ voʼ li kaj-estudiotike, skʼan oy kʼusitik spas. Junantike xuʼ van skʼan xiktaik li kʼusitik oy yuʼunike. Yantike xuʼ van skʼan xikta yabtelik ta skoj ti chal Vivlia ti muʼyuk leke. Yikʼaluk van oy buchʼutik skʼan xikta yamigoik ti muʼyuk skʼanojik li Jeovae. Yantik xtoke chichʼik van pʼajel yuʼun yutsʼ yalalik ta skoj ti skontrainojik li stestigotak Jeovae. Li Jesuse laj yal ti Jeovae chakʼbe yutsʼ yalal ta mantal li yajchankʼoptake (Mar. 10:29, 30). w21.06 4 par. 8, 9

Domingo 5 yuʼun marso

Toyo muyel asatik xchiʼuk kʼelavilik li osiltike, yuʼun sakubem xa ta takijel li kʼusitik tsʼunbile, yorail xa chichʼ tsobbel sat (Juan 4:35).

Li jtakbol Pabloe la skoʼoltajes ta tsʼunolajel li spasel ta yajtsʼaklom Kristo li krixchanoetike. Jaʼ jech laj yakʼ ta ilel ti mu baluk noʼox ti oy kʼusi ta jtsʼuntike. Xi laj yalbe li jkorintoetike: «Voʼon la jtsʼun, Apolos laj yatʼes [...]. Jaʼoxuk yosil Dios ti yakal chichʼ abtelanele» (1 Kor. 3:6-9). Li buchʼutik chij-abtej ta «yosil Diose» maʼuk noʼox ti oy kʼusi ta jtsʼuntike, yuʼun ta xkatʼestik xchiʼuk ta jkʼeltik sventa lekuk xchʼie. Jech xtok, jnaʼojtik ti jaʼ chakʼ chʼiuk li Diose. Jaʼ jun mukʼta matanal xchiʼuk xijmuyubaj yuʼun kʼalal ta jcholtik mantal xchiʼuk chijchanubtasvane. Li jtakbol Pablo ti ep buchʼutik la skolta ta Tesalonika sventa xkʼotik ta yajtsʼaklom Kristoe xi laj yal ti kʼu yelan laj yaʼi sbae: «¿Kʼusi jaʼ li spatobil koʼontonkutike, li xkuxetel koʼontonkutike xchiʼuk li jkoronakutik ta muyubajel ta yeloval li Kajvaltik Jesus kʼalal liʼ xa oye? ¿Mi mu jaʼuk li voʼoxuk ta melele? Ta melel, jaʼ kʼotemoxuk ta jmukʼulalkutik xchiʼuk ta xkuxetel koʼontonkutik» (1 Tes. 2:19, 20; Ech. 17:1-4). w21.07 3 par. 5; 7 par. 17

Lunes 6 yuʼun marso

Mu me xapʼajik junuk li buchʼutik liʼ oy ti bikʼit chakʼ sbaike (Mat. 18:10).

Li Jeovae yikʼojutik talel ta stojolal ta jujuntal yoʼ xkojtikintik (Juan 6:44). ¿Kʼusi skʼan xal taje? Kʼalal jaʼo yakal tskʼel skotol li krixchanoetike, laj yakʼ venta ti oy kʼusi lek ta koʼontontike xchiʼuk ti xuʼ jkʼantike (1 Kron. 28:9). Li Jeovae xojtikinutik, xaʼibe smelolal ti kʼu yelan chkaʼi jbatike xchiʼuk skʼanojutik. ¿Mi mu jechuk ti tspat koʼontontik taje? Skʼanojot tajek li Jeovae xchiʼuk skʼanoj tajek skotol li kermanotaktik eke. Li Jesuse laj yalbe jun skoʼoltasobil yoʼ xkaʼibetik smelolal. Mi oy sien ta kot xchij li jun jkʼelchije, ¿kʼusi van tspas mi chʼay jkotuke? «Chikta ta vitstik li 99 ta kot sventa chbat saʼ tal li jkot ti chʼayeme». Mi la stae, muʼyuk ch-ilin ta stojolal, yuʼun xmuyubaj tajek. ¿Kʼusi chakʼ kiltik taje? Jaʼ ti tsots skʼoplal chil skotol xchijtak li Jeovae. Xi laj yal li Jesuse: «Muʼyuk lek chaʼi [...] ti xlaj junuk li buchʼutik liʼ oy ti bikʼit chakʼ sbaike» (Mat. 18:12-14). w21.06 20 par. 1, 2

Martes 7 yuʼun marso

Nopajanik ta stojolal Dios (Sant. 4:8).

Kʼalal ta jnopbetik skʼoplal ti jech-o tskʼanutik li Jeovae, mas to ta jkʼantik xchiʼuk mas nopol chkaʼi jbatik ta stojolal (Rom. 8:38, 39). Tstij koʼontontik yoʼ jchanbetik stalelal li Jesuse (1 Ped. 2:21). Kʼalal jutuk xa ox skʼan li Konmemorasione, ta jkʼeltik li loʼiletik ta Vivlia ti chalbe skʼoplal li kʼusitik la spas Jesus kʼalal poʼot xa ox xchame, kʼalal laj yichʼ milele xchiʼuk kʼalal chaʼkuxie. Li mantal ch-echʼ ta Konmemorasione tsvules ta joltik ti kʼu to yepal skʼanojutik li Jesuse (Efes. 5:2; 1 Juan 3:16). Kʼalal ta jchantik xchiʼuk ta jnopbetik skʼoplal ti la spasbe yabtel Jeova akʼo mi xil-o svokole, tstij koʼontontik sventa jchanbetik li kʼusi la spase (1 Juan 2:6). Mas to ch-ayan ta koʼontontik ti xkamigointik-o li Jeovae (Jud. 20, 21). Kʼalal chkakʼtik persa sventa jchʼunbetik smantale, ti jchʼultajesbetik li sbie xchiʼuk ti xmuyubajuk kuʼuntike, jech-o me lek chilutik (Prov. 27:11; Mat. 6:9; 1 Juan 5:3). Kʼalal chijbat ta Konmemorasione, jaʼ tskoltautik sventa mas to xkakʼbetik yil Jeova ti ta jkʼan chkamigointike xchiʼuk ti xi chkalbetike: «¡Ta jkʼan chkamigoinot-o sbatel osil!». w22.01 23 par. 17, 18; 25 par. 19

Mierkoles 8 yuʼun marso

Tʼujik buchʼu chakʼan chatunik ta stojolal (Jos. 24:15).

Li Jeovae yakʼoj jnop jtuktik li kʼusi ta jpastike. Li Jdiostik Jeovae xmuyubaj kʼalal jaʼ ta jnoptik chijtun ta stojolale (Sal. 84:11; Prov. 27:11). Ep butik xuʼ xkakʼtik ta ilel ti lek kʼusi chkʼot ta nopel kuʼuntike. Li Jesuse jaʼ mas tsots skʼoplal laj yil li kʼusi chtun yuʼun yantike, jaʼ yuʼun lek ti jchanbetik stalelale. Jun velta kʼalal lubemik xa ox tajek li Jesus xchiʼuk yajtakboltake, batik ti bu stsʼijlan sventa xkuxike. Pe kʼot epal krixchanoetik ti tskʼanik chanubtasel yuʼun li Jesuse. Muʼyuk x-ilin, kʼuxubaj ta yoʼonton li krixchanoetik taje, vaʼun «ep kʼusitik lik yakʼbe xchan» (Mar. 6:30-34). Kʼalal ta jchʼak jkʼakʼaltik xchiʼuk ta jtunes kipaltik sventa jkoltatik yantik jech kʼuchaʼal la spas li Jesuse, chkakʼtik-o ta ichʼel ta mukʼ li Jtotik Jeovae (Mat. 5:14-16). w21.08 3 par. 7, 8

Jueves 9 yuʼun marso

Ta jujuntal oy srasonal sventa xkuxet noʼox avoʼontonik atukik, maʼuk xamuyubajik ta skoj ti chakoʼoltas abaik xchiʼuk li yantike (Gal. 6:4).

Li Jeovae tskʼupin tajek ti jelajtik li kʼusitik oye xchiʼuk ti mu koʼoluk ti kʼu yelan spasojutik ta jujuntale. Jaʼ yuʼun, muʼyuk tskoʼoltajesutik xchiʼuk li yantike. Jaʼ tskʼel li kʼusi oy ta koʼontontike (1 Sam. 16:7). Jech xtok, tstsak ta venta li kʼusi xijtojob spasele, li kʼusi vokol chkaʼitike xchiʼuk li kʼusi echʼem ta jkuxlejaltike. Muʼyuk tskʼanbutik li kʼusi mu xuʼ kuʼuntik spasele. Skʼan jchanbetik li stalelale xchiʼuk ti oyuk jbalil xkaʼi jbatik jech kʼuchaʼal chilutike. Mi jech ta jpastike, jaʼ jech chkakʼtik ta ilel ti xijtojob snopele xchiʼuk muʼyuk ta jnoptik ti mas tsots jkʼoplaltik o ti muʼyuk jbaliltike (Rom. 12:3). Xuʼ onoʼox jchanbetik li kʼusi lek tspas yantike. Jech kʼuchaʼal liʼe, xuʼ jchanbetik ti kʼu yelan toj lek chchol mantal junuk ermano o junuk ermanae (Ebr. 13:7). Vaʼun, tskoltautik sventa xijtojob lek ta chanubtasvanej (Filip. 3:17). Lek ti jkʼelbetik slekil talelal yantik sventa jchanbetike, pe mu me lekuk mi jaʼ noʼox ta jkʼeltik sventa jkoʼoltajes jbatik xchiʼukike. w21.07 20 par. 1, 2

Viernes 10 yuʼun marso

Toyo muyel asatik li ta vinajele xchiʼuk kʼelavilik. ¿Buchʼu spasoj li kʼusitik te oye? (Is. 40:26).

Mi la jkʼeltik lek kʼu yelan pasbil li chonbolometike, li teʼetike xchiʼuk li kʼanaletike, mas to me tstsatsub xchʼunel koʼontontik ta stojolal li Jpasvaneje (Sal. 19:1). Mi la jchanbetik lek skʼoplale, mas to jpʼel ta koʼontontik ti jaʼ Jpasvanej kuʼuntik li Jeovae. Kʼalal ta jchanbetik skʼoplal li kʼusitik pasbile, jnoptik kʼusi chakʼ jchantik ta stojolal li Jpasvanej kuʼuntike (Rom. 1:20). Jech kʼuchaʼal liʼe, li kʼakʼale chakʼ talel xojobal sventa oyuk sak osil xchiʼuk chkʼixna li balumil sventa oyuk kuxlejale. Pe chakʼ talel xojobal xtok ti xuʼ xilbajinutike. Sventa mu xilbajinutike, oy jkʼol xpix balumil ti jaʼ tsmak ta bee. Kʼalal mas ch-epaj li xojobal kʼakʼal taje, mas to ch-epaj ek li xpix jbalumiltike. ¿Mi mu jechuk ti chakʼ kiltik ti toj pʼij li buchʼu la spasutike xchiʼuk ti skʼanojutik tajeke? w21.08 17 par. 9, 10

Savado 11 yuʼun marso

Akʼo me skʼan yermano xtok li buchʼu skʼanoj Diose (1 Juan 4:21).

Kʼalal oy buchʼu chichʼ voʼe, skʼan jechuk-o xkakʼbetik yil ti jkʼanojtike xchiʼuk kichʼtik ta mukʼ (1 Juan 4:20). Jech kʼuchaʼal liʼe, kakʼbetik yil ti jpatoj koʼontontik ta stojolale xchiʼuk mu jnoptik ti ta xchopolil yoʼonton li kʼusi tspase o ti jaʼ noʼox tspas li kʼusi tskʼane. Jaʼ lek kakʼbetik yil ti jtsakojtik ta mukʼe xchiʼuk masuk tsots skʼoplal xkiltik (Rom. 12:10; Filip. 2:3). Ti melel xkaltike, skʼan oyuk xkʼuxul koʼontontik xchiʼuk lekuk koʼontontik ta stojolal li yantike. Mi ta jkʼantik chijkʼot ta yutsʼ yalal Dios ta sbatel osile, skʼan jkuxlebintik li kʼusi chal Vivliae. Jech kʼuchaʼal liʼe, li Jesuse laj yal ti skʼan oyuk xkʼuxul koʼontontik xchiʼuk ti oyuk slekil koʼontontik ta stojolal skotol krixchanoetik manchuk mi jaʼ kajkontratik (Luk. 6:32-36). Pe xuʼ van vokol chkaʼitik spasel bakʼintik taje. Mi jech chkaʼitike, skʼan jchanbetik ti kʼu yelan tsnop xchiʼuk tspas Jesuse. Kʼalal chkakʼtik persa ta jchʼunbetik smantal Jeova xchiʼuk ta jchanbetik stalelal Jesuse, chkakʼbetik yil Jtotik Jeova ti ta jkʼan chijkʼot ta yutsʼ yalal sbatel osile. w21.08 6 par. 14, 15

Domingo 12 yuʼun marso

Te xavilik mi muʼyuk ta jam tal li vinajele xchiʼuk te xavilik mi muʼyuk ta jmal tal epal bendision ta atojolalik (Mal. 3:10).

Jpat koʼontontik ta stojolal Jeova. Mi jech ta jpastik xchiʼuk mi chijtun ta stojolal ti bu kʼalal xuʼ kuʼuntike, yalojbutik ta jamal ti chakʼbutik epal bendisione. Li ta Vivliae, te chalbe skʼoplal krixchanoetik ti tunik ta stojolal Jeova ti bu kʼalal xuʼ yuʼunike. Ep buchʼutik ti oy kʼusi baʼyel la spasik sventa x-akʼbatik bendision yuʼun li Jeovae. Jech kʼuchaʼal liʼe, li Diose jaʼo laj yakʼbe bendision Abraan kʼalal laj xa ox yikta sna «akʼo mi mu snaʼ ti bu chbate» (Ebr. 11:8). Li Jakob eke jaʼ to akʼbat smoton kʼalal laj xa ox stsal sba xchiʼuk jun anjele (Jen. 32:24-30). Kʼalal ch-ochik xa ox ta Albil Balumil li j-israeletike, jaʼ to la xtuchʼik jelavel ukʼum Jordan kʼalal laj xa ox stikʼ yokik ta ukʼum li paleetike (Jos. 3:14-16). Xuʼ jchanbetik stalelal xtok li ermanoetik ti spatoj yoʼontonik ta stojolal Jeova xchiʼuk ti oy kʼusitik spasojik sventa masuk xtunik ta stojolale. w21.08 29, 30 par. 12-14

Lunes 13 yuʼun marso

Mu xiuk xavale: «¿Kʼu yuʼun mas toʼox lek li kʼakʼaletik ta voʼne ti jaʼ xa mu jechuk li avie?» (Ekl. 7:10).

Ermanoetik ti oy xa ajabilalike, avilojik kʼu toʼox yelan chichʼ pasel ta voʼne li kʼusitik sventa mantale, pe tsots skʼoplal chavilik xtok ti jchʼuntik mantal kʼalal oy kʼusitik chjele. Mi jaʼtik to avichʼoj voʼe, ep onoʼox bu xuʼ xakoltavan. Li buchʼutik mas kerem tsebik toe ta me skʼupinik xchikintael li kʼusitik echʼem ta akuxlejale. Mi chavalbe yantik li kʼusitik achanoj tale, ta me xakʼbot bendision li Jeovae (Luk. 6:38). Mi chnopaj ta stojolal buchʼutik mas kerem tsebik to li buchʼutik oy xa sjabilalike, xuʼ me koʼol skolta sbaik (Rom. 1:12). Li buchʼutik oy xa sjabilalike oy spʼijilik xchiʼuk ep xa kʼusi xchanojik tal ta skoj ti jal xa kuxiemike. Li buchʼu mas kerem tsebik toe oy yipalik. Jaʼ yuʼun, kʼalal chamigoin sbaik xchiʼuk koʼol tskolta sbaike, chichʼik ta mukʼ li Jtotik ta vinajele xchiʼuk ep chkoltavanik li ta tsobobbaile. w21.09 8 par. 3; 13 par. 17, 18

Martes 14 yuʼun marso

Li voʼotike ta jcholbetik skʼoplal li Kristo ti cham ta jtel teʼe; li judaetike tsmak-o yakanik (1 Kor. 1:23).

¿Kʼu yuʼun ti tsmak-o yakanike? Yuʼun la snopik ti maʼuk Mesias li Jesus ta skoj ti laj yichʼ jokʼanel ta jtel teʼe, yuʼun jaʼ noʼox sta-o jech xchamik li j-elekʼetik xchiʼuk li jpasmuliletike (Deut. 21:22, 23). Li judaetik ti la spʼajik Jesuse muʼyuk la xchʼunik ti chʼabal smul li Jesuse, ti laj yichʼ jutbel smule xchiʼuk ti muʼyuk lek li kʼusi laj yichʼ pasbele. Muʼyuk lek laj yichʼ chapanel, yuʼun ta anil noʼox la stsob sbaik li judaetik li ta mukʼta nail chapanobbaile xchiʼuk muʼyuk la stsakik ta venta li smantaltak ajvalile (Luk. 22:54; Juan 18:24). Li jchapanvanejetike muʼyuk la xchikintaik kʼalal la sjutbeik smule, yuʼun jaʼ noʼox la sabeik «smul sventa tsmilik li Jesuse» (Mat. 26:59; Mar. 14:55-64). Kʼalal chaʼkuxiem xa ox li Jesuse, li jchapanvanejetike «laj yakʼbeik batel ep ta sep plata li soltaroetik ti chabivanike» sventa xalik jutbil kʼopetik ti kʼu yuʼun xokol xa li smukinale (Mat. 28:11-15). w21.05 11 par. 12, 13

Mierkoles 15 yuʼun marso

Ta sventa li skʼakʼalil xchiʼuk yorail taje muʼyuk buchʼu snaʼ, mi jaʼuk li anjeletik ta vinajele mi jaʼuk li Nichʼonile, jaʼ noʼox snaʼ stuk li Totile (Mat. 24:36).

Ti jechuk tskʼane, xuʼ kʼusiuk noʼox ora slajesbe skʼoplal choplejal li Jeovae. Pe ¡jtaojbetik sbalil ti muʼyuk to jech spasoje! Ta skoj ti jaʼutik snitilulal Adan xchiʼuk Evae, jmulavilutik ta xijvokʼ. Pe li Jeovae skʼanojutik, chkʼuxubinutik xchiʼuk yaloj ta jamal ti chakʼbe slajeb li choplejale (1 Juan 4:19). Li Jeovae yakʼojbe xa yorail ti bakʼin tslajesbe svokol li xnichʼnabtake. Ta skoj ti skʼanojutike, skʼan me stij koʼontontik sventa jechuk xkuch batel kuʼuntik kʼuchaʼal kuchem talel yuʼune. Toj lek ta chanbel ti kʼu yelan kuchem talel yuʼun li Jeovae. Jaʼ jech kuch yuʼun li Jesus eke. Kʼalal ay ta balumil sventa tal spojutike, kuch yuʼun ti chopol kʼoptaate, ti kʼexlaltasate xchiʼuk ti laj yichʼ jokʼanel ta jtel teʼe (Ebr. 12:2, 3). Jaʼ van koltaat ti kʼu yelan kuchem talel yuʼun li Stote. Li voʼotik eke xuʼ me jech stsatsubtasutik. w21.07 12, 13 par. 15-17

Jueves 16 yuʼun marso

Oyuk-o me xkʼuxul avoʼontonik jech kʼuchaʼal oy xkʼuxul yoʼonton li Atotike (Luk. 6:36).

Li Jtotik ta vinajele skotol kʼakʼal chakʼbutik ta ilel xkʼuxul yoʼonton (Sal. 103:10-14). Li Jesus eke laj yakʼbe ta ilel xkʼuxul yoʼonton li yajchankʼoptak xchiʼuk laj yakʼanan ta perton akʼo mi maʼuk tukʼil krixchanoetik. Pe maʼuk noʼox, yuʼun laj yakʼ xkuxlejal xtok sventa xkichʼtik chʼaybel li jmultike (1 Juan 2:1, 2). Kʼalal ta sjunul koʼontontik chkakʼtik pertone, mas to ta jkʼan jbatik xchiʼuk li kermanotaktike (Efes. 4:32). Bateltike, mu kʼunuk chkaʼitik yakʼel perton, pe skʼan xkakʼtik persa ti jechuk jpastike. Jun ermanae chal ti ep koltaat li jun mantal lokʼ li ta revista Li Jkʼel-osil ta toyol ti xi sbie: «Pasbo abaik perton ta jujuntal». Xi chale: «Li mantal taje te chal ti kʼalal chkakʼtik pertone, maʼuk skʼan xal ti lek chkiltik o lek chkaʼitik li kʼusi chopol laj kichʼtik pasbele. Jaʼ skʼan xal ti jchʼay ta joltik li kʼusi chopol laj kichʼtik pasbele xchiʼuk ti junuk noʼox koʼontontike». Kʼalal ta sjunul koʼonton chkakʼtik ta perton li kermanotaktike, chkakʼtik ta ilel ti jkʼanojantike xchiʼuk ti ta jchanbetik stalelal li Jeovae. w21.09 23, 24 par. 15, 16

Viernes 17 yuʼun marso

Li buchʼutik chichʼik ta mukʼ Diose skʼan xichʼik ta mukʼ ta melel (Juan 4:24).

Li Jesuse skʼanoj tajek li kʼusi melele, jaʼ xkaltik, li kʼusi melel ta sventa Dios xchiʼuk li kʼusi oy ta yoʼonton tspase. Laj yakʼ ta xkuxlejal xchiʼuk laj yakʼbe yojtikin li yantike (Juan 18:37). Li melel yajtsʼaklomtak Jesus ta voʼnee la skʼanik tajek li kʼusi melel eke (Juan 4:23). Li jtakbol Pedroe laj yal ti jaʼ sbelel kʼusi melel li relijion ti xchʼunoj Kristoe (2 Ped. 2:2). Li yajtsʼaklomtak Kristo ta baʼyel sigloe skʼanojik tajek li kʼusi melele. Jaʼ yuʼun, la spʼajik li kʼusitik chchanubtasvan relijionetik, li kʼusitik nopem xaʼiik spasel krixchanoetik xchiʼuk li kʼusi tsnop yantik ti tskontrain li kʼusi melele (Kol. 2:8). Jaʼ noʼox jech ek, li melel yajtsʼaklomtak Kristo avi kʼakʼale chakʼik persa sventa jechuk-o spasik li kʼusi melele (3 Juan 3, 4). ¿Kʼuxi tspasik? Tskʼelik ti lokʼemuk ta Vivlia skotol li kʼusi xchʼunojike xchiʼuk chakʼ ta xkuxlejalik. Li stestigotak Jeovae muʼyuk chalik ti xaʼibeik smelolal skotol li kʼusi chal Vivliae. Bateltike, mu jechuk yaʼiojbeik smelolal junuk chanubtasel ta Vivlia o ti kʼu yelan chchapanik li tsobobbaile. Jaʼ yuʼun, sjelojik kʼalal yaʼiojbeik xa lek smelolale. w21.10 21, 22 par. 11, 12

Savado 18 yuʼun marso

Li buchʼu spatoj yoʼonton ta stojolal Jeovae joyobtabil li ta tukʼil kʼanelal yuʼune (Sal. 32:10).

Li ta voʼnee, li muroetik ti sjoyoj li jteklume chchabiatik sventa mu x-och li yajkontraike. Jaʼ noʼox jech ek, li tukʼil kʼanelal yuʼun Jeovae xkoʼolaj kʼuchaʼal jun muro ti chchabiutik ta mantale. Jech xtok, tskoltautik sventa xijnopaj ta stojolal (Jer. 31:3). Li Davide la stunes yan skoʼoltasobil sventa xalbe smelolal kʼu yelan chchabi steklumal li Diose. Xi laj yale: «Jaʼ jlekil nakʼobbail li Diose, li Dios ti chakʼbun kil tukʼil kʼanelale». Xi to laj yale: «Jaʼ chakʼ kil tukʼil kʼanelal xchiʼuk jaʼ jtsatsal pojobbail, jaʼ jlekil nakʼobbail xchiʼuk jaʼ jkoltavanej kuʼun, jaʼ j-eskudo xchiʼuk jaʼ li buchʼu te jsaʼoj jnakʼobbail ta stojolale» (Sal. 59:17; 144:2). ¿Kʼu yuʼun laj yal David ti xkoʼolaj kʼuchaʼal nakʼobbail xchiʼuk pojobbail li tukʼil kʼanelal yuʼun Jeovae? Mu ventauk ti bu nakalutike, mi jech-o chijtun ta stojolal li Jeovae jech-o chchabiutik sventa lekuk xkil jbatik xchiʼuk. w21.11 6 par. 14, 15

Domingo 19 yuʼun marso

Ta jnopbe skʼoplal skotol li avabteltake (Sal. 77:12).

Jun velta kʼalal jaʼo kajalik batel ta jkot varko li Jesus xchiʼuk li yajchankʼoptake, tal tsatsal ikʼaloʼ. Li Jesuse la skolta yajchankʼoptak sventa xakʼik venta ti skʼan stsatsubtas li xchʼunel yoʼontonike (Mat. 8:23-26). Ta skoj ti tsots tajek li voʼe, ch-och xa li ta svarkoike, pe jaʼuk li Jesuse jun yoʼonton te chvay. Xiʼemik tajek li jchankʼopetike, jaʼ yuʼun bat skʼanbeik koltael. Xi albatik yuʼun li Jesuse: «¿Kʼu yuʼun ti chaxiʼike? ¡Toj jutuk xchʼunel avoʼontonik!». ¿Mi yakal chavil avokol ti xkoʼolaj kʼuchaʼal tsatsal ikʼaloʼe? Xuʼ van yakal chavil avokol ta skoj nikel, nojelal ta voʼ o yan kʼusitik. O xuʼ van tsots ipot ti mu xa xanaʼ kʼusi chapase. Xuʼ van chavul avoʼonton bakʼintik, pe akʼo persa sventa jechuk-o xapat avoʼonton ta stojolal Jeova. Albo ta jamal ti kʼu yelan chavaʼi abae. Nopbo skʼoplal kʼu yelan skoltaojot talel sventa stsatsub li xchʼunel avoʼontone (Sal. 77:11). Teuk me ta ajol ti muʼyuk onoʼox chiktaot jsetʼuk li Jeovae. w21.11 22 par. 7, 10

Lunes 20 yuʼun marso

Mu me xa-elkʼajik (Lev. 19:11).

Xuʼ van oy buchʼu tsnop ti muʼyuk ch-elkʼaj ta skoj ti muʼyuk tstsak li kʼusi maʼuk yuʼune. Pe oy van yan kʼusi yakal tspas ti jaʼ xa elekʼe. Jech kʼuchaʼal liʼe, mi muʼyuk lek tsʼakal skilo o mi muʼyuk lek tsʼakal spʼisol kʼusi chchon li jun jpʼolmale, yakal xa me ch-elkʼaj. Li Levitiko 19:13 chal ti jaʼ elekʼ kʼalal muʼyuk lek ti kʼu yelan chijpʼolmaje, xi chale: «Mu me ta amanyailuk kʼusi xavelkʼanbe li achiʼil ta krixchanoale». Jaʼ yuʼun, li buchʼu muʼyuk lek kʼusi tspas o ti muʼyuk jamal chkʼopoj kʼalal chpʼolmaj o kʼalal ch-abteje, yakal xa me ch-elkʼaj. Li xvaxakibal mantale chal ti mu stakʼ x-elkʼajike, pe li kʼusi to chal ta Levitikoe tskoltautik ta yaʼibel smelolal kʼusi to smakoj li mantal taje. Lek ti jnopbetik skʼoplal ti kʼu yelan chil Jeova li jut kʼope xchiʼuk li elekʼe. Xiuk jakʼbe jbatike: «Ta skoj li kʼusi chal Levitiko 19:11 kʼalal ta 13, ¿mi oy van kʼusi skʼan jel, mas to li ta kabtele o kʼalal chipʼolmaje?». w21.12 9, 10 par. 6-8

Martes 21 yuʼun marso

Jech kʼuchaʼal muʼyuk la sjalanboxuk perton li Jeovae, jech me skʼan xapasik ek (Kol. 3:13).

Kʼalal ta jpastik orasione, jnopbetik skʼoplal li kʼusi chopol la jpastik echʼ kʼakʼale xchiʼuk jkʼanbetik Jeova ti akʼo xakʼutik ta pertone. Pe mi tsots la jpas jmultike, skʼan me jkʼanbetik koltael li moletik ta tsobobbaile, li stukike ta xchikintabutik xchiʼuk ta slekil yoʼontonik tstojobtasutik ta Vivlia. Jech xtok, tspasik orasion ta jtojolaltik xchiʼuk koliyal li pojelal laj yakʼ Jesuse, xuʼ skʼanbeik Jeova ti akʼo xakʼutik ta perton sventa xijtsatsub ta mantal yan veltae (Sant. 5:14-16). Jech xtok, tskoltautik mi ta jnopbetik skʼoplal li pojelale. Kʼux van tajek chkaʼitik kʼalal ta jnopbetik skʼoplal ti toj ep laj yil svokol li Xnichʼon Diose. Pe kʼalal mas ta jnopbetik skʼoplal ti laj yakʼ xkuxlejal li Jesuse, mas to chlik jkʼantik xchiʼuk mas chlik jkʼantik li Stote. Mas to me chkakʼtik ta ilel ti ta jtojtik ta vokol ti laj yakʼ xkuxlejal Jesus kʼalal chijbat jujun jabil li ta snaʼobil slajele xchiʼuk kʼalal ta jtaktik ta ikʼel li yantike. ¡Jaʼ jun matanal yakʼojbutik Jeova ti xuʼ jchanubtastik yantik ta sventa li Xnichʼone! w21.04 18, 19 par. 13-16

Mierkoles 22 yuʼun marso

Ep kʼusitik lik yakʼbe xchan (Mar. 6:34).

Jvules ta joltik kʼusi la spas Jesus kʼalal bat kʼelatuk yuʼun epal krixchanoetik li ta vitse. Lubem van tajek ta skoj ti sjunul akʼobal la spas orasione. Pe kʼalal laj yil li krixchanoetike, kʼuxubaj ta yoʼonton li buchʼutik abol sbaike xchiʼuk li buchʼutik ipike. Maʼuk noʼox la xpoxtaan, yuʼun laj yal xtok li mantaletik ti chkʼot tajek ta oʼontonale: ti jaʼ li Mantaletik ta Vitse (Luk. 6:12-20). Li Jesus xtoke la xchʼak skʼakʼal sventa xchiʼin li yantike. Jnopbetik skʼoplal kʼu van yelan laj yaʼi sba Jesus kʼalal laj yaʼi ti laj yichʼ milel li Juan J-akʼ-ichʼvoʼ ti jaʼ yamigoe. Xi chal li Vivliae: «Kʼalal laj yaʼi Jesus taje, muy batel ta varko, nom bu bat sventa stuk oy» (Mat. 14:10-13). Pe te xa ox malabil yuʼun epal krixchanoetik (Mar. 6:31-33). Laj yakʼ venta ti chtun xa noʼox yuʼunik koltael ta mantale xchiʼuk ta ora noʼox la skoltaan (Luk. 9:10, 11). w22.02 21 par. 4, 6

Jueves 23 yuʼun marso

Junuk me avoʼontonik xchiʼuk skotol li krixchanoetike (Rom. 12:18).

Mi laj kakʼtik venta ti oy kʼusi chopol la jpasbetik o laj kalbetik junuk kermanotike, ¿kʼusi skʼan jpastik? Jkʼopontik Jeova ta sjunul koʼontontik xchiʼuk jkʼanbetik koltael sventa jchapan li jkʼoptik xchiʼuk li kermanotike. Jech xtok, xuʼ jchʼakbetik yorail sventa jkʼeltik kʼu yelan li koʼontontike. Xiuk jnopbetik skʼoplale: «¿Mi bikʼit chkakʼ jba ta skʼanel perton xchiʼuk ti jchapan li jkʼopkutike? ¿Kʼu van yelan chaʼi sba Jeova xchiʼuk Jesus mi voʼon baʼyel lokʼ ta koʼonton jchapan li jkʼopkutik xchiʼuk li kermano o kermanae?». Taje xuʼ me jaʼ stij koʼontontik ti jech-o jchikintatik kʼusi chal Jesus xchiʼuk ti xijnopaj ta stojolal li kermanotik sventa jchapan li jkʼoptike. Mi bat jchiʼintik ta loʼil junuk kermanotik sventa jchapan li jkʼoptike, skʼan ti mu jpʼeluk xa xkaltike (Efes. 4:2, 3). Skʼan xbat jchiʼintik ta loʼil li kermanotike sventa jlajesbetik yoʼonton. Teuk ta joltik ti jaʼ mas tsots skʼoplal ti lekuk xkil jbatik xchiʼuk li kermanotike, maʼuk ti jsaʼtik buchʼu ta smul li kʼusi kʼot ta pasele (1 Kor. 6:7). w21.12 25, 26 par. 13-16

Viernes 24 yuʼun marso

La skʼel li jteklume, vaʼun lik okʼuk ta skoj (Luk. 19:41).

Li Jesuse tsvul tajek yoʼonton, yuʼun akʼo mi lek laj yichʼ chʼamel yuʼun li judaetike, snaʼoj ti jutuk mu skotolikuk muʼyuk chchʼamik li mantale. Ta skoj taje, li Jerusalene ta xichʼ lajesel xchiʼuk «chichʼik chukel batel» li buchʼu kuxul chkomike (Luk. 21:20-24). La spʼajik Jesus jech kʼuchaʼal laj xa onoʼox yale. ¿Kʼu yelan chaʼiik mantal li krixchanoetik ti bu nakalote? Mi mu skʼan xchikintaik mantale, ¿kʼusi chakʼ achan kʼalal okʼ li Jesuse? Li Jeovae skʼanoj li krixchanoetike. Kʼalal okʼ li Jesuse, te chakʼ kiltik ti solel oy ta yoʼonton krixchanoetik li Jeovae. «Mu skʼan ti oy buchʼu xbat ta lajelal junuke», yuʼun li kʼusi tskʼane jaʼ ti sutes yoʼonton skotolike (2 Ped. 3:9). Kʼalal chkakʼtik persa sventa xkʼot ta yoʼonton mantal kuʼuntik li krixchanoetike, jaʼ jech chkakʼtik ta ilel ti jkʼanojantike (Mat. 22:39). w22.01 16 par. 10-12

Savado 25 yuʼun marso

Te napʼalun ta atojolal; lek tsots atsakojun ta abatsʼikʼob (Sal. 63:8).

Mas to tstsatsub xchʼunel koʼontontik mi ta jnopbetik skʼoplal li kʼusi spasoj Jeova ta stojolal steklumal xchiʼuk ta jtojolaltike. Mas to ta jkʼantik li Jeovae. Taje jaʼ li kʼusi mas tsots skʼoplale. Yuʼun li kʼanelale jaʼ tstij koʼontontik sventa jchʼunbetik smantal li Jeovae, ti oyuk kʼusi jpastik sventa jmuyubtatike xchiʼuk ti xkuchuk kuʼuntik kʼusiuk prevae (Mat. 22:37-39; 1 Kor. 13:4, 7; 1 Juan 5:3). Jaʼ noʼox mas tsots skʼoplal ti xkamigointik li Jeovae (Sal. 63:1-7). Teuk-o ta joltik ti kʼalal ta jpastik orasion, chijchanunaj xchiʼuk ti ta jnopbetik skʼoplale, jaʼ sventa xkichʼtik-o ta mukʼ li Jeovae. Jpastik kʼuchaʼal li Jesuse. Jsaʼtik ti bu stsʼijet noʼox sventa jchiʼin jbatik ta loʼil xchiʼuk li Jeovae. Mu me kʼusi jecheʼuk noʼox jchʼay-o koʼontontik. Jech xtok, kʼalal oy kʼusi ta jpastik ta mantale, jkʼanbetik Jeova ti akʼo skoltautik sventa mu kʼusi xchʼay-o koʼontontike. Mi chkakʼtik persa sventa jtunestik lek li jkʼakʼaltike, li Jeovae chakʼ ti akʼo xijkuxi sbatel osil li ta achʼ balumile (Mar. 4:24). w22.01 30, 31 par. 18-20

Domingo 26 yuʼun marso

Pʼajik li kʼusi toj chopole (Rom. 12:9).

Pʼijkutik me ta sventa li kʼusi ta jnoptike, yuʼun ta jpastik li kʼusi ta jnopilantike. Li Jesuse laj yal ti skʼan jlokʼes ta jnopbentik li kʼusi xuʼ xikʼutik-o batel ta spasel tsatsal mulile (Mat. 5:21, 22, 28, 29). Mi ta jkʼan ta jmuyubtabetik yoʼonton li Jtotik ta vinajele, toj tsots skʼoplal ti jlokʼestik ta anil li kʼusi chopol chtal ta jnopbentike. Xi laj yal li Jesuse: «Li kʼusitik chlokʼ ta ye jun krixchanoe ta yoʼonton chlik tal» (Mat. 15:18). Li jkʼopojeltike jaʼ chakʼ ta ilel ti kʼu kelantik ta melele. Xi xajakʼbe abae: «¿Mi melel jnaʼ xikʼopoj skotol ora akʼo mi jnaʼoj ti xuʼ xkil-o jvokole? Mi nupunemune, ¿mi ta jkʼel jba sventa mu jloʼlabe sjol li yantike? ¿Mi muʼyuk chkalbe skʼoplal mi jsetʼuk li kʼusitik sventa mulivajele? ¿Mi ta slekil koʼonton ta jtakʼbe li buchʼu tsabun jole?». Li jkʼopojeltike xkoʼolaj kʼuchaʼal stsʼisbenaltak jlik kʼuʼil. Jaʼ yuʼun, mi chopol chijkʼopoje, jech-o jtalelaltik kʼuchaʼal li mol talelale. Mi ta jkʼan ta jlokʼ li jmol talelaltike, skʼan xkakʼtik persa ti mu xij-utvane, ti mu jutik kʼope xchiʼuk ti mu xkalbetik skʼoplal li mulivajele. w22.03 5 par. 12-14

Lunes 27 yuʼun marso

Li pʼijilale te oy ta stojolal li buchʼutik tsaʼik tojobtasele (Prov. 13:10).

Li buchʼutik tskʼanik tojobtasele mas anil chchʼiik ta mantal, jaʼ mu sta li buchʼutik tsmalaik ti oyuk buchʼu xtojobtasatike. Jaʼ yuʼun, lokʼuk me ta koʼontontik skʼanel tojobtasel. ¿Bakʼin xuʼ jkʼanbetik tojobtasel junuk ermano ta tsobobbail? Jkʼeltik junchibuk. 1) Jun ermana chalbe yan jcholmantal ti lek xtojob ti akʼo xbat chiʼinatuk ta yakʼel s-estudioe. Ta tsʼakale, tsjakʼbe kʼusi to xuʼ spas sventa xlekub ti kʼu yelan chchanubtasvane. 2) Jun ermana ti muʼyuk to nupuneme tskʼan tsman xvex, jaʼ yuʼun tsjakʼbe jun ermana ti lek snaʼ snopel ti kʼu yelan chil li kʼusi la stʼuje. 3) Jun ermano ti sba to velta chetʼes mantal ta tsobobbaile tskʼanbe yan ermano ti lek xtojob ti akʼo xchikintabat kʼalal tsjelubtas sventa x-albat kʼuxi to xuʼ xlekub batel mas. Jech xtok, li buchʼutik jal xa chetʼesik tal mantale lek ti skʼanbeik tojobtasel li yan ermanoetike xchiʼuk ti spasik batel li kʼusi ch-albatike (Prov. 19:20). w22.02 13 par. 15-17

Martes 28 yuʼun marso

Mu jtukuk, yuʼun liʼ xchiʼinojun li Totil ti la stakun tale (Juan 8:16).

Li Jeovae chakʼ ta ilel ti skʼanojutik jech kʼuchaʼal laj yakʼ ta ilel ta stojolal li Xnichʼon ti kʼu sjalil ay ta balumile (Juan 5:20). La skolta sventa tsotsuk-o li xchʼunel yoʼontone, kʼalal laj yil svokole xchiʼuk laj yakʼbe li kʼusitik yan chtun yuʼune. Laj yalbe xtok ti skʼanoje xchiʼuk ti xmuyubaj ta stojolale (Mat. 3:16, 17). Li Jesuse mu stukuk laj yaʼi sba, yuʼun snaʼoj ti chkoltaat onoʼox yuʼun li Stote. Jkotoltik kaʼiojtik ti skʼanojutik Jeova jech kʼuchaʼal laj yaʼi li Jesuse. Jnopbetik skʼoplal liʼe: yikʼojutik tal ta steklumal xchiʼuk yakʼoj kutsʼ kalaltik ta mantal ti skʼanojutike, ti jmoj noʼox tsobolutike xchiʼuk ti tspat koʼontontike (Juan 6:44). Jech xtok, nopolik noʼox chakʼbutik li jveʼeltik ta mantale xchiʼuk tskoltautik saʼel li kʼusitik chtun kuʼuntik jujun kʼakʼale (Mat. 6:31, 32). Kʼalal ta jnopbetik skʼoplal ti skʼanojutik tajek li Jeovae, mas to ta jkʼantik ek. w21.09 22 par. 8, 9

Mierkoles 29 yuʼun marso

Lokʼik li amol talelalik ta skoj li kʼusi nopem xavaʼiik spasele (Kol. 3:9).

¿Kʼu toʼox yelan akuxlejal kʼalal skʼan toʼox xachan Vivlia xchiʼuk li stestigotak Jeovae? Jutuk mu jkotoltikuk mu jkʼan jnopbetik skʼoplal taje. Yuʼun jaʼ toʼox van ta jpastik li kʼusi lek chil balumile. Jaʼ yuʼun, muʼyuk toʼox spatobil koʼontontik xchiʼuk muʼyuk toʼox te oy Dios ta jtojolaltik (Efes. 2:12). Pe kʼalal lik achan li Vivliae, laj avil ti oy jun Atot ta vinajel ti skʼanojot tajeke. Laj avaʼibe smelolal ti skʼan xajel akuxlejal xchiʼuk ti skʼan xajel li kʼusitik chanop mi chakʼan chamuyubtabe yoʼonton li Jeovae xchiʼuk ti jmoj xatun ta stojolal xchiʼuk li yan yajtuneltake. Laj avaʼi xtok ti skʼan xavakʼ ta akuxlejal li smantaltak Diose (Efes. 5:3-5). Ta skoj ti jaʼ spasojutik li Jeova xchiʼuk ti jaʼ Jtotik ta vinajele, oy sderecho xuʼ xal kʼu yelan skʼan spas stalelal li yutsʼ yalale. Xi chalbe li buchʼutik tskʼan chichʼ voʼe: «Lokʼik li amol talelalik ta skoj li kʼusi nopem xavaʼiik spasele». w22.03 2 par. 1-3

Jueves 30 yuʼun marso

Oy yan jchijtak (Juan 10:16).

Li yan chijetike xmuyubaj tskʼelik li kʼusi chichʼ pasel ta Konmemorasione xchiʼuk tsnopbeik skʼoplal li kʼusi smalaoj tstaike. Tskʼan chchikintaik li mantal chjelav ta Konmemorasione, yuʼun jaʼ mas chalbe skʼoplal li kʼusi tspasik ta stojolal krixchanoetik li Kristo xchiʼuk li 144 mil mi ajvalilajik ta Jmil Jabile. Li Jesukristoe jaʼ tsbeiltas li 144 mil sventa jmoj spasik ta Paraiso li balumile xchiʼuk ti xtukʼib li krixchanoetike. Li buchʼutik jaʼ noʼox chbat skʼelik li kʼusi chichʼ pasel ta Konmemorasione xmuyubajik tajek kʼalal tsnopbeik skʼoplal kʼuxi chkʼot ta pasel li albil kʼopetik jech kʼuchaʼal chal ta Isaias 35:5, 6; 65:21-23 xchiʼuk Apokalipsis 21:3, 4. Kʼalal tsnopbeik skʼoplal ti te xa oyik ta Paraiso xchiʼuk li buchʼutik skʼanojike, mas to chchʼunik ti chkʼot ta pasel li kʼusi smalaojike xchiʼuk jpʼel ta yoʼontonik ti jech-o chtunik ta stojolal Jeovae (Mat. 24:13; Gal. 6:9). w22.01 21 par. 5-7

Skʼelel Vivlia sventa Konmemorasion: (Kʼusi kʼot ta pasel kʼalal chʼayem xa ox batel kʼakʼal ta 9 yuʼun nisan) Mateo 26:6-13

Viernes 31 yuʼun marso

Li Xnichʼon Krixchanoe tal yakʼ xkuxlejal kʼuchaʼal pojelal sventa tspoj epal krixchanoetik (Mar. 10:45).

¿Kʼusi jaʼ li pojelale? Jaʼ li kʼusi la spas Jesus yoʼ xichʼ tojel li kʼusi la xchʼay Adane (1 Kor. 15:22). Pe ¿kʼu yuʼun chtun kuʼuntik? Yuʼun li stukʼil mantaltak Jeovae chal ti skʼan me xichʼ milel ek li buchʼu milvane (Eks. 21:23, 24). Ta skoj ti la spas smul Adane, maʼuk xa tukʼil krixchano kom. Jaʼ yuʼun, sventa xichʼ chʼunel li smantal Jeovae, skʼan xakʼ xkuxlejal li Jesuse (Rom. 5:17). Vaʼun, jaʼ jech chkʼot ta «Totil sbatel osil» yuʼun li buchʼutik chakʼ xchʼunel yoʼontonik ta stojolale (Is. 9:6; Rom. 3:23, 24). Li Jesuse ta sjunul yoʼonton laj yakʼ xkuxlejal ta skoj ti skʼanoj tajek Jeova xchiʼuk ti skʼanojutike (Juan 14:31; 15:13). Li kʼanelal taje jaʼ tijbat yoʼonton sventa tukʼ-o xakʼ sba jaʼ to ti kʼuxi chame xchiʼuk ti spas li kʼusi oy ta yoʼonton Stote. Koliyal ti jech la spase, chkʼot ta pasel li kʼusi oy ta yoʼonton Jeova ta jtojolaltik xchiʼuk ta sventa li jbalumiltike. w21.04 14 par. 2, 3

Skʼelel Vivlia sventa Konmemorasion: (Kʼusi kʼot ta pasel ta 9 yuʼun nisan) Mateo 21:1-11, 14-17

    Vunetik ta tsotsil (2001-2025)
    Lokʼan
    Ochan
    • tsotsil
    • Tako batel
    • Ti kʼu yelan chak'ane
    • Copyright © 2025 Watch Tower Bible and Tract Society of Pennsylvania
    • Ti kʼutik yelan xuʼ xichʼ tunesele
    • Política de privacidad
    • Configuración de privacidad
    • JW.ORG
    • Ochan
    Tako batel