KʼUSITIK CHICHʼ JAKʼEL TA SVENTA VIVLIA

¿Kʼu yelan li Diose?

Li Diose jaʼ jun espiritu ti mu xvinaj ta kʼelele. Jaʼ la spas li vinajele, li Balumile xchiʼuk skotol li kʼusitik kuxajtike. Muʼyuk buchʼu la spas li Diose, li Stuke te oy-o muʼyuk slikeb (Salmo 90:2). Li Diose oy ta yoʼonton ti akʼo saʼat yuʼun li krixchanoetike xchiʼuk ti snaʼik ta melel ta stojolale. (Kʼelo Hechos 17:24-27.)

Li Diose xuʼ xkojtikinbetik li sbie. Li voʼotike xuʼ xkilbetik stalelaltak kʼalal chkiltik li kʼusitik spasojane (Romanos 1:20). Sventa xkojtikintik lek li Diose, skʼan jchanbetik li Skʼope, li Vivliae. Li Vivliae ta xakʼ kojtikintik li kʼupil sba stalelaltak Diose. (Kʼelo Salmo 103:7-10.)

¿Kʼu yelan chaʼi sba Dios ta skoj li kʼusitik muʼyuk tukʼe?

Li Jpasvanej kuʼuntik ti jaʼ li Jeovae, muʼyuk lek chil li kʼusitik muʼyuk tukʼe. Yuʼun li Jeovae jaʼ la slokʼta sba jech kʼu chaʼal stuk kʼalal la spas li krixchanoetike (Deuteronomio 25:16). Jaʼ yuʼun jutuk mu jkotoltikuk muʼyuk lek chkiltik li kʼusitik muʼyuk tukʼe. Li Diose maʼuk chakʼ talel li kʼusitik muʼyuk tukʼik chichʼ pasel li avie. Li Diose yakʼojbe snopbenik sventa tsnopik ta jujuntal kʼusi tskʼanik li krixchanoetike. Kʼux ta alel pe epal krixchanoetike muʼyuk lek tstunesik ti akʼbil lek snopbenik yuʼun Dios sventa tsnopik ta jujuntal li kʼusi tskʼanike xchiʼuk tspasik li kʼusitik muʼyuk tukʼike. Li kʼusi tspasike toj chopol chaʼi sba yuʼunik li Jeovae. (Kʼelo Génesis 6:5, 6; Deuteronomio 32:4, 5.)

Li Jeovae skʼanoj li tukʼilale xchiʼuk muʼyuk te skʼeloj-o sbatel osil li kʼusitik muʼyuk tukʼike (Salmo 37:28, 29). Li ta Vivliae chal ti poʼot xakʼbe slajeb kʼusitik muʼyuk tukʼ li Diose. (Kʼelo 2 Pedro 3:7-9, 13.)