KʼUSITIK CHICHʼ JAKʼEL TA SVENTA VIVLIA

¿Kʼusi tspas Jesús li ta jelavele?

Li ta sjabilal 33 ta jkʼakʼaliltike cham li Jesuse, laje laj yichʼ chaʼkuxesel xchiʼuk bat ta vinajel. Ta epal jabiletik ta mas tsʼakale, laj yichʼ akʼbel tsots yabtel sventa ch-och ta ajvalil (Daniel 7:13, 14). Ta jelavele li Jesuse chakʼ talel jun oʼontonal ta Balumil xchiʼuk ta slajesbe skʼoplal li povreale. (Kʼelo Salmo 72:7, 8, 13.)

Li Jesuse ep kʼusitik labalik sba tspas kʼalal mi lik sventain li Balumile. Ta stunes li sjuʼel akʼbil yuʼun Stot yoʼ staik yan velta tukʼilal li krixchanoetike. Ta skʼupin li xkuxlejalik liʼ ta Balumile, yuʼun muʼyuk xa ta xmalubik xchiʼuk chchamik. (Kʼelo Juan 5:26-29; 1 Corintios 15:25, 26.)

¿Kʼusi yakal tspas li Jesús avie?

Li Jesuse jaʼ tsbeiltas li cholmantal tspasik ta spʼejel Balumil li yajtsʼaklomtake. Tsvulaʼanik krixchanoetik yoʼ chakʼbeik yil li kʼusi chal Vivlia ta sventa li Ajvalilal yuʼun Diose. Li Jesuse laj yal ti tskolta yajtsʼaklomtak ta sventa li kʼusitik tspasike jaʼ to mi la slajes ajvaliletik liʼ ta Balumil li Ajvalilal yuʼun Diose. (Kʼelo Mateo 24:14; 28:19, 20.)

Li Jesuse tstunes li stsobobbail yajtsʼaklomtak Cristo sventa chchanubtas krixchanoetik yoʼ xlekub li xkuxlejalike. Jech xtok, jech-o ta sbeiltas batel kʼalal mi laj yichʼ lajesel li chopol balumile jaʼ to ti kʼuxi xkʼotik li ta jun achʼ balumil ti yaloj chakʼ li Diose. (Kʼelo 2 Pedro 3:7, 13; Apocalipsis 7:17.)

Mi chakʼanbe to mas yaʼyejale, kʼelo li kapitulo 8 ta livro liʼe, ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae

Stakʼ yalesel ta www.jw.org/tzo

[Lokʼol ta pajina 16]

Kʼalal jaʼo ch-ajvalilaj li Jesuse ta slajesbe skʼoplal ti muʼyuk tukʼilal liʼ ta Balumile