Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun noviembree

«Jlom krixchanoetike tsnopik ti chkʼot la skʼakʼalil ti tslajes Balumil li Dios mi noj tajek ta choplejal laj yile. Jech xtok, epal krixchanoetik ti oy srelijionike xchʼunojik ti chichʼ lajesel li Balumile. ¿Kʼusi chanop ta sventa taje? [Akʼo stakʼ.] Kʼelavil li kʼusi chalbutik ta Salmo 37:29.» Vaʼun akʼbo yil li lokʼol ta pajina 35 yuʼun li livro Chchanubtasvan ti te chakʼ ta ilel jayibuk bendisionetike, ti te chalbe smelolal ta parafo 17 kʼalal ta 23. Akʼbo li livroe, vaʼun albo kʼusi ora xuʼ xasut sventa xachanik mas.

Li Jkʼel osil ta toyole Oktuvre-disiembre

«Epal krixchanoetike yakʼojik venta ti ep tsnuptanik vokolil li buchʼutik nupunemike xchiʼuk ti mu snaʼik kʼuxi chchapanike. ¿Kʼusi xanaʼ ti xuʼ xkoltaatik li buchʼutik nupunemik sventa xmuyubajikuk noʼoxe? [Akʼo stak.] Ta jkʼan chkakʼbot avil li kʼusi chal Dios ta sventa li kʼusi xuʼ xmuyubajik-o li jun nupultsʼakale. Li Jeovae chal ti jaʼ ti snaʼikuk xichʼ sbaik ta mukʼe.» Mi jaʼ jun vinike kʼelbo 1 Pedro 3:7, pe mi jaʼ jun antse kʼelbo Efesios 5:33. Albo smelolal li mantal te ta jtatik ta pajina 10 kʼalal ta 12 li ta revista Li Jkʼel osil ta toyole, ti bu chal «Mantaletik sventa utsʼ-alaliletik», ti jaʼ te ta jtabetik mas yaʼyejale.

¡Despertad! Noviembre

«Kʼalal ta jkʼeltik lek xchiʼuk ta jkʼan ta jnaʼtik mas ta sventa li vinajel-balumil ti xvinaj ta kʼelele, ¿kʼusi ta jnoptik ta skoj taje? ¿Mi ta jnoptik ti oy jun Jpasvaneje o jaʼ ti ta jech noʼox ikʼot ta pasel skotole? [Akʼo stakʼ.] Kʼelavil li kʼusi laj yal jun jtsʼibajom yuʼun Vivlia ta sventa taje [kʼelo Romanos 1:20]. Li revista liʼe, chal kʼusitik staojik ta sventa li selula krixchanoetike, xuʼ jaʼ skoltautik yaʼibel smelolal li kʼusitik ta sventa taje.»