Junchib slikeb jloʼiltik
Kʼu yelan xuʼ jlikestik chanubtasel ta Vivlia li ta baʼyel sabado yuʼun noviembree
«Kʼelo avil li sjakʼobil ti solel labal sba liʼe. [Kʼelo li baʼyel sjakʼobil li ta slajeb pajina li ta revista Li jkʼel osil ta toyole, ti jaʼ sventa 1 yuʼun noviembre.] ¿Kʼusi chanop li voʼote? [Kʼelo li chib parafo ti te talem ta yolon li sjakʼobil taje xchiʼuk junuk li teksto yichʼoj tale.] Ta jkʼan chtal jchaʼvulaʼanot sventa jloʼiltatik kʼu yuʼun la xchaʼkuxes jlom krixchanoetik li Jesuse xchiʼuk kʼu yuʼun tsots skʼoplal kuʼuntik taj eke.»
Li Jkʼel osil ta toyole 1 yuʼun noviembre
«¿Mi oy anopoj kʼu yuʼun oy kʼusitik toj chopol chkʼot ta pasel li ta balumile? [Akʼo stakʼ.] Ta jkʼan chkakʼ avil li kʼusi chal Vivliae. [Kʼelo Apocalipsis 12:9.] Pe li ta versikulo 12 chakʼ spatobil koʼontontik. [Kʼelo Apocalipsis 12:12.] Li ta teksto liʼe chal ti poʼot xa xlaj skʼoplal li kʼusitik chopol chakʼ kʼotuk ta pasel li Satanase. Li mantal ti jaʼ sbi: ‹¿Mi sta-o jxiʼtatik li Satanase?› chal kʼuxi xuʼ jchabi jbatik avi ta sventa li kʼusitik chakʼ kʼotuk ta pasele xchiʼuk chal kʼusi chkʼot ta stojolal ta jelavel. Li revista liʼe chkakʼbot komel.»
¡Despertad! Noviembre
«Skotol xa noʼox krixchanoetik tskʼan ti xmuyubajikuke, pe kʼux ta alel, ep buchʼutik chat yoʼontonik. ¿Kʼusi xuʼ skoltautik xanaʼ sventa xijmuyubaje? [Akʼo stakʼ.] Li voʼone kakʼoj venta ti xuʼ skoltautik Vivlia sventa xijmuyubaje. Kʼelo avil li jun tojobtasel liʼe. [Kʼelo Hebreos 13:5.] Li revista liʼe chalbe skʼoplal chantos kʼusitik ta Vivlia ti tskoltautik sventa xijmuyubaje.»