¿Mi chapalot kʼalal oy kʼusi tsots chkʼot ta pasel ta atojolale?

Li kʼusi tsots chkʼot ta pasel ta jtojolaltike xuʼ xkʼot ta pasel kʼalal jaʼo muʼyuk jmalaojtike (Sant. 4:14, Ch). Pe li buchʼu pʼije, baʼyel chchapan sba (Pro. 22:3). ¿Mi anaʼoj xa kʼusi jtosukal poxil xchiʼuk poxtael chachʼam? ¿Mi atsʼibaoj xa ta vun li kʼusi chanope? Sventa xuʼ xanop leke laj yichʼ pasel li video Asistencia médica sin transfusiones. Necesidades y derechos del paciente. Jaʼ xchaʼvokʼal li kʼusi ch-echʼ li ta DVD ti jaʼ sbi: Alternativas a las transfusiones. Serie documental. Kʼalal yakal chakʼele, takʼo li sjakʼobiltak liʼe. Li totil meʼiletike chichʼik albel ti skʼan me oyuk spʼijilik kʼalal ta skʼelik li video xchiʼuk li yalab xnichʼnabik ti bikʼitik toe, yuʼun chakʼ ta ilel uni jutuk kʼuyelan ta xichʼ pasbel operasion li krixchanoetike.

1) Jlom doktoretike, ¿kʼu yuʼun ta xchaʼnopbeik skʼoplal stikʼbel chʼichʼ li krixchanoetike? 2) Albo skʼoplal oxtos operasion ti toj tsots ta pasel ti bu mu persauk chichʼ tunesel chʼichʼe. 3) ¿Kʼu yuʼun ta smilal noʼox doktoretik xchiʼuk jatvanejetik mu skʼan stunesik chʼichʼ sventa chpoxtaik li buchʼu ipe? 4) Oy jayib ospitaletik la xchanbeik skʼoplal li stunesel chʼichʼe pe, ¿kʼusi laj yalik ta sventa taje? 5) ¿Kʼusitik xibal sba xuʼ chkʼot ta pasel kʼalal ta xichʼ ichʼel chʼichʼe? 6) Epal jpoxtavanejetik ti lek chanemike, ¿kʼusi la sbalil chalik chichʼ tael kʼalal chichʼ tunesel li jeltos poxtaeletik ti bu muʼyuk chichʼ tunesel chʼichʼe? 7) ¿Kʼuxi chlik li anemia chamele xchiʼuk kʼusi stakʼ pasel sventa ch-epaj li chʼichʼe? 8) ¿Kʼusi stakʼ pasel sventa xichʼ epajesel eritrocitos (glóbulos rojos) ta sbekʼtal stakopal li buchʼu ipe? 9) ¿Kʼusitik xuʼ xichʼ pasel sventa mu xmal batel ep xchʼichʼel jun krixchano kʼalal chichʼ operasione? 10) Li jeltos poxtaeletik ti bu muʼyuk chichʼ tunesel chʼichʼe, ¿mi stakʼ van tunesel ta jun olol o kʼalal toj echʼ xa noʼox tsots ip jun krixchanoe? 11) ¿Kʼusi mantal o chanubtasel toj tsots skʼoplal yichʼojik li doktoretik sventa lek tskʼelik li buchʼutik ipike?

Li poxtaeletik vinaj ta videoe, jujuntal me ta jnoptik mi chkichʼtik o mi moʼoj, pe mu me xamala oy kʼusi tsots chkʼot ta pasel ta atojolal sventa chanop kʼusi jtosuk poxilal xchiʼuk poxtaeletik chachʼam. Li ta kapitulo 7 ta livro «Scʼuxul yoʼnton ti Diose» xchiʼuk li yan vunetik bu chtakvan batele, xchiʼuk xtok li stsʼakleb Kabteltik sventa Dios yuʼun noviembre ta 2006, te chata aʼyejetik sventa tskoltaot ta snopel lek li kʼusi xuʼ xapase. Mi avichʼoj xa voʼe nojeso li vun DACP xchiʼuk teuk me avichʼoj skotol ora.

[Lokʼol ta pajina 3]

¿Mi anaʼoj xa kʼusi jtosukal poxil xchiʼuk poxtael chachʼam? ¿Mi atsʼibaoj xa ta vun li kʼusi chanope?