Los testigos de Jehová: una historia de fe viva. Parte 2: Dejan brillar su luz
Kʼalal lokʼesatik ta chukel ta 1919 li ermano Rutherford xchiʼuk xchiʼiltake, oy kʼusi tsots yabtelik lik spasik li Jchanolajeletik ta Vivliae. Li DVD Los testigos de Jehová: una historia de fe viva. Parte 2: Dejan brillar su luz chakʼ ta ilel ti ep kʼusitik tsots la snuptanike, ti mas to laj yaʼibeik smelolal li Vivliae xchiʼuk ti mas to tsatsub batel li xchʼunel yoʼontonike (Pro. 4:18; Mal. 3:1-3; Juan 15:20). Kʼalal mi la akʼelik li videoe, kʼelik mi xtakʼ avuʼunik li sjakʼobiltak liʼe.
1) ¿Kʼutik yelan la xcholik mantal sventa tspukik batel lekil aʼyej li Jchanolajeletik ta Vivliae? 2) ¿Kʼusitik kʼot ta pasel li ta mukʼta tsobajel ta jabil 1931 xchiʼuk 1935? 3) ¿Kʼu yuʼun toj tsots skʼoplal li kʼusi chal li revista ta inglés sventa 1 yuʼun noviembre ta 1939? 4) Alo kʼusi kʼot ta pasel kʼalal jaʼo yakal chetʼes jun mantal ti jaʼ sbi «Ajvalil xchiʼuk lekilal» («Gobierno y paz») ta Madison Square Garden li ermano Rutherforde. 5) ¿Kʼu yuʼun toj tsots skʼoplal li mantal ti jaʼ sbi «¿Mi xuʼ van xjalij li lekilale» («Paz... ¿será duradera?») ti laj yetʼes li ermano Knorre? 6) ¿Kʼusitik la spasik li yajrextikotak Jeova ta 1942 sventa xpuk batel yuʼunik li cholmantale? 7) Alo kʼusitik laj yichʼ chapanel ta snail chapanobbail ta Estados Unidos, Canadá xchiʼuk Grecia. 8) ¿Kʼuxi koltavan sventa xpuk batel lekil aʼyej li Chanobvun ta Galaade? 9) ¿Kʼusi abtelal tsots skʼoplal lik spasik ta 1946 li yajrextikotak Jeovae, xchiʼuk kʼu yuʼun? 10) ¿Kʼusitik la spasik li yajrextikotak Jeova sventa jechuk-o stalelalik kʼuchaʼal chal ta Skʼop Diose? 11) Alo kʼusitik jel ta organisasion li ta sjelaveltik jabil 1970 sventa mas xkoʼolaj batel kʼuchaʼal chal Vivliae. 12) ¿Kʼuxi la skoltaot li video sventa xavakʼ venta ti ta onoʼox xkʼot ta pasel skotol li kʼusi tskʼan Jeovae xchiʼuk ti jaʼ s-organisasion li bu oyutike? 13) ¿Kʼuxi la skoltaot li video sventa xamuyubaj noʼox xachol-o batel mantal akʼo mi ep ta tos vokolile? 14) ¿Kʼuxi van xuʼ chatunes sventa chakolta avutsʼ avalal, buchʼutik chachanubtas ta Vivlia o yan krixchanoetik li video liʼe?
Jujun kʼakʼal oy kʼusitik chkʼot ta pasel yuʼunik li yajrextikotak Jeovae. ¿Mi te van chvinaj jkʼoplaltik ti ta jcholtik mantal eke? Jchanbetik li ermanoetik ta voʼnee, sakubuk kuʼuntik li osil eke (2 Cor. 4:6).