Junchib slikeb jloʼiltik

Aʼyejetik sventa Ajvalilal yuʼun Dios num. 38

«Yakal ta jpaskutik jun kampanya ta spʼejel Balumil sventa chkalkutik jun aʼyej ti tsots skʼoplale. Jaʼ avuʼun li tratado liʼe.»

Pʼijan ta sventa liʼe: Sventa xapukik li tratado ta sjunul li yosilal bu chacholik mantale jlikeluk noʼox me xaval li aloʼilike. Pe mi oy krixchanoetik oy ta yoʼonton chchanik xchiʼuk tskʼan to chloʼilajike, xuʼ xajakʼbe kʼusi tsnop ta sventa li sjakʼobil te xvinaj ta yeloval li tratadoe, kʼelbo li stakʼobil chal Vivlia te yichʼoj tal ta yut li tratadoe xchiʼuk mi xakʼ to yoraile chanik jlikeluk. Kʼalal skʼan toʼox xabate, akʼbo yil li sjakʼobil yoʼ bu chal «Jakʼbo aba» xie, vaʼun albo ti chasut batel yan velta sventa chaloʼiltaik taje.

Li Jkʼel osil ta toyole 1 yuʼun noviembre

«Ti chanop noʼox voʼote, ¿kʼusi van jtosuk ti chopol chalik ta stojolal Dios ti maʼuk melele? [Akʼo stakʼ.] Jech kʼuchaʼal chal li Vivliae, oy ta yoʼonton Dios ti xkʼanat yuʼun li krixchanoetike xchiʼuk ti spat yoʼontonik ta stojolale [kʼelo Isaías 41:13]. Li ta revista liʼe chal ta jamal oxtos kʼusitik chalik ta sventa Dios ti maʼuk melele, ti jaʼ vokol chaʼiik-o krixchanoetik sventa xnopajik-o ta stojolale.»

¡Despertad! Noviembre

«Yakal chivulaʼajkutik jlikeluk, yuʼun ep buchʼutik tsvul yoʼontonik ta skoj ti yantik xa xchʼay batel li mantaletik ta sventa li lekil talelale. ¿Mi chanop van ti muʼyuk xa tsots skʼoplal chilik lekil talelal li krixchanoetike? [Akʼo stakʼ.] Li Vivliae yalojbe xa onoʼox skʼoplal ti ta xjel stalelal li krixchanoetike [kʼelo 2 Timoteo 3:1-5]. Li revista liʼe chalbe srasonal ti kʼu yuʼun xuʼ jpat koʼontontik yuʼun li mantaletik ta sventa li lekil talelal chal Vivliae.»