«Mu xa xavul avoʼontonik»

Li ta Mantaletik ta Vitse, xi laj yal li Jesuse: «Mu xa xavul avoʼontonik kʼuxi chakuxiik» (Mt 6:25). Stalel onoʼox ti oy kʼusi ta jvul-o koʼontontik bakʼintik ta skoj ti muʼyuk jtukʼiltike xchiʼuk ti kuxulutik li ta sbalumil Satanase, jaʼ yuʼun li Jesuse la xchanubtas li yajchankʼoptak ti akʼo mu svul tajek yoʼontonike (Sl 13:2). Pe ¿kʼu yuʼun? Yuʼun mi solel ta jvul tajek koʼontontike, akʼo mi jaʼ noʼox sventa li kʼusi chtun kuʼuntik jujun kʼakʼale, xuʼ van vokol xa chkaʼitik ti jaʼuk jsaʼtik baʼyel li Ajvalilal yuʼun Diose (Mt 6:33). Li kʼusi laj yalbe skʼoplal Jesus ta mas tsʼakale xuʼ me jaʼ skoltautik.

• Mt 6:26. Kʼalal ta jkʼeltik li mutetike, ¿kʼusi chakʼ jchantik? (w16.07 paj. 9, 10 par. 11-13).

• Mt 6:27. ¿Kʼu yuʼun jaʼ noʼox ta jchʼay jkʼakʼaltik xchiʼuk kipaltik mi ta jvul tajek koʼontontike? (w05-S 1/11 paj. 22 par. 5).

• Mt 6:28-30. ¿Kʼusi xuʼ jchantik yuʼun li nichimetike? (w16.07 paj. 10, 11 par. 15, 16).

• Mt 6:31, 32. ¿Kʼusi jelelutik-o xchiʼuk li yan krixchanoetike? (w16.07 paj. 11 par. 17).

¿Kʼusi ti mu xa jkʼan jvul-o koʼontone?