¿Mi yakal chatabe sbalil li foyeto Jkʼeltik skotol kʼakʼal li Skʼop Diose?

¿Mi nopem xavaʼi chakʼel jujun kʼakʼal li foyeto Jkʼeltik skotol kʼakʼal li Skʼop Diose? ¿Mi xuʼ xlik xa noʼox akʼel mi muʼyuk to jech chapase? Ep buchʼutik nopem xaʼiik ti ta sob tskʼelik sventa snopbeik skʼoplal li ta kʼakʼaltike (Jos 1:8; Sl 119:97). ¿Kʼuxi xuʼ mas xatabe sbalil li teksto jujun kʼakʼale? Kʼelo to junchibuk versikulo ti bu lokʼem li tekstoe. Nopbo skʼoplal junuk loʼil ta Vivlia ti chakʼ ta ilel ti kʼuxi laj yakʼ ta xkuxlejalik li kʼusi yakal chakʼele, vaʼun akʼo ta akuxlejal. Kʼalal ta jtsaktik ta venta kʼusi chal Vivlia kʼalal oy kʼusi ta jnop ta jpas ta jkuxlejaltike, ta me skoltautik xchiʼuk ta jtabetik sbalil (Sl 119:105).

Li ermanoetik ti chtunik ta Beteletike jaʼo chchanik kʼalal chveʼik ta jujun sob li foyeto Jkʼeltik skotol kʼakʼal li Skʼop Diose. Oy xa ta jayibuk jabil ep xa te oy ta jpajinatik JW Broadcasting^® li yichʼel ta mukʼ Dios jujun sobe, xuʼ te jtatik yoʼ bu chal «KʼUSITIK CH-ECHʼ SVENTA MANTAL». ¿Bakʼin la akʼel junuk li video taje? Yikʼaluk van jaʼ la ata ta kʼelel li kʼusi mas chtun avuʼune. Jkʼeltik avil junuk ti kʼuxi ta jtabetik sbalil li kʼusi la snuptan Lote.

MI LA AKʼELIK LI VIDEO MU ME JKʼANTIK LI BALUMILE (1JN 2:15), TAKʼIK LI SJAKʼOBILTAK LIʼE:

• Li yichʼel ta mukʼ Dios jujun sobe, ¿kʼusi beiltasel ta Vivlia laj yalbe skʼoplal?

• Li kʼusi la snuptan Lote, ¿kʼusi chakʼ jchantik ti xibal sba mi lik jkʼantik li balumil xchiʼuk li kʼusitik oy ta balumile? (Je 13:12; 14:12; 19:3, 12, 13, 24-26).

• ¿Kʼuxi chkakʼtik ta ilel ti jaʼ jkʼanojtik Jeova ti maʼuk jkʼanojtik li kʼusitik oy ta balumile?