¿Mi xuʼ xlokʼ ta stestigo Jeova li jun krixchanoe?

Xuʼ. Oy chaʼtos srasonal ti kʼu yuʼun xuʼ xlokʼe:

• Chal ta jamal ti tskʼan chlokʼe: Xuʼ xal stuk o stsʼiba ta jlikuk vun ti mu xa skʼan ti jaʼuk stestigo Jeovae.

• Ta skoj stalelal: Xuʼ van oy kʼusi chlik spas ti chakʼ ta ilel ti mu xa skʼan jaʼuk stestigo Jeovae (1 Pedro 5:9). Jech kʼuchaʼal liʼe, xuʼ van xlik batuk ta yan relijion xchiʼuk chal ti jaʼ xa te tskʼan chkom-oe (1 Juan 2:​19).

¿Mi muʼyuk xa chakʼoponik li buchʼu muʼyuk xa chchol mantal xchiʼuk ti muʼyuk xa chkʼot ta atsobajelike?

Mu jechuk. Kʼalal oy buchʼu chchibaje, maʼuk skʼan xal ti yolbaj tskʼan chlokʼ o ti yolbaj chchʼak sbae. Kʼalal oy buchʼu chkʼunib ta mantal o chikta kʼuk sjalil yichʼel ta mukʼ Jeovae, jaʼ ta skoj ti chibajeme. Jaʼ yuʼun, chkakʼkutik persa skoltael xchiʼuk ta jpatbekutik yoʼonton (1 Tesalonisenses 5:​14; Judas 22). Mas to chkolta atik yuʼun li moletik ta tsobobbaile (Galatas 6:1; 1 Pedro 5:​1-3).

Li moletik ta tsobobbaile muʼyuk tsujvanik sventa jaʼuk-o stestigo Jeova li jun krixchano mi mu xa skʼane. Yuʼun ta jujuntal oy ta jbatik snopel kʼusi relijional ta jkʼantik (Josue 24:15). Skʼan xlokʼ ta koʼonton jtuktik yichʼel ta mukʼ li Diose, maʼuk ti sujbil ta jpastike (Salmo 110:3; Mateo 22:37).