¿Mi skʼan van jtuchʼ komel jloʼiltik?

Xuʼ jchiʼintik-o ta loʼil li jun krixchano kʼalal oy kʼusi tsjakʼbutike o kʼalal muʼyuk xchʼunoj li kʼusi laj kalbetike xchiʼuk ti tskʼan tsnabe srasonal ti kʼu yuʼun jech jchʼunojtike, vaʼun xuʼ jchapbetik smelolal. Ti kʼu yuʼun jech ta jpastike jaʼ ta skoj ti oy ta koʼontontik skoltael «li buchʼutik oy lek ta yoʼontonik stael li kuxlejal sbatel osile» (Ech. 13:48).

Pe mi ch-ilin li buchʼu ta jchiʼintik ta loʼile, mi tsaʼ kʼop o mi mu skʼan xloʼilaje, jaʼ lek ti ta slekiluk koʼontontik jtuchʼ komel li jloʼiltike (Prov. 17:14). Kʼalal jech ta jpastike, xuʼ van xchikintabutik mi lijsut ta yan veltae (1 Ped. 2:12).