Yan ti kʼuxi xuʼ jtunestik li foyeto Li Vivliae, ¿kʼusitik chalbe skʼoplal?

Oy epal krixchanoetik ti bu ta jcholtik mantale mu toj masuk xojtikinik li Vivliae, mas to li buchʼutik muʼyuk srelijionike. Jlom jcholmantaletik ti chakʼik chanubtasel ta Vivlia xchiʼuk li livro Chchanubtasvane tstunesik li foyeto Li Vivliae, ¿kʼusitik chalbe skʼoplal?, taje jaʼ sventa chakʼbeik snaʼ ti kʼusi chal Vivlia li krixchanoetik taje. Jun ermano kʼalal mi ikʼotik xaʼox li ta kapitulo 3 yuʼun li livro Chchanubtasvane jmoj chchanik li sba vokʼal foyeto xchiʼuk li buchʼu chchanubtas ta Vivliae. Taje jaʼ te la slikes sventa ta skʼelilanik-o jujuvokʼ kʼalal tstsuts yuʼunik li chanubtasel jujun veltae. ¿Mi yakal chachanubtas ta Vivlia li buchʼu jutuk noʼox xojtikinik o mu xojtikinik li Vivliae? Kʼalal chavakʼ chanubtasel xchiʼuk li livro Chchanubtasvane, xuʼ xa tsʼakubtas xchiʼuk li foyeto Li Vivliae, ¿kʼusitik chalbe skʼoplal? Mi jech chapase xuʼ me xakolta li buchʼutik chachanubtas sventa xojtikinik li Skʼop Dios tsʼibabile, yuʼun jech chpʼijubik xchiʼuk xuʼ chkolik (2 Tim. 3:15).