Li ta 1914 kʼalal ta 2014 lokʼ sien jabil ch-ajvalilaj li Ajvalilal yuʼun Diose

Li ta 1922, li ermano Rutherford tsots yoʼonton xi laj yale: «¡Kʼelavilik, ch-ajvalilaj xa li Ajvalile! [...] Albeik skʼoplal li Ajvalil xchiʼuk li ajvalilal yuʼune». Li jabil liʼe chlokʼ sien jabil ti lik ventainvanuk li Ajvalilal taje, li kʼusi laj yal li ermano Rutherford chakʼbutik to muyubajel. Li ta agostoe kakʼtik persa cholmantal ti bu kʼalal xuʼ kuʼuntik yoʼ jaʼuk jun u ti mu xchʼay ta joltike xchiʼuk jkoltatik yan krixchanoetik yoʼ xchanik ta sventa Ajvalilal yuʼun Dios li ta jpajinatik ta Internet jw.org.