Jun takel ta ikʼel
1. ¿Bakʼin chlik jpuktik li uni vunetik sventa asamblea rejionale?
1 Xijmuyubaj tajek ta xkikʼtik ta veʼel kamigotaktik o kutsʼ kalaltik kʼalal ta jpas lek jveʼeltik ti ep takʼin yichʼoje xchiʼuk ti jal ta meltsanele. Li ta asamblea rejional eke, jaʼ me jech jal laj yichʼ chapanel li lekil veʼlil ta mantale. Kʼalal oxib xaʼox xemana skʼan li asambleae, li Jeovae yakʼojbutik jun matanal sventa jtaktik ta ikʼel li krixchanoetik yoʼ xbatik li ta asamblea eke. ¿Kʼusi tskoltautik sventa xijmuyubajuk noʼox jpastik li abtelal taje?
2. ¿Kʼusi tstij koʼontontik sventa tsots xij-abtej li ta kampanyae?
2 Mas to me oy ta koʼontontik tsots chij-abtej ta kampanya mi ta jnoptik kʼu to yepal jtaojbetik sbalil ta jujuntal li lekil veʼlil ta mantal chakʼbutik Jeova li ta asambleaetike (Is. 65:13, 14). Skʼan me jnopbetik skʼoplal xtok ti oy kʼusi lek chkʼot ta pasel yuʼun li kampanya chichʼ pasele (kʼelo li rekuadro «Lek kʼusi chkʼot ta pasel»). Xuʼ van oy buchʼu chbat ta asamblea li buchʼutik chkakʼbetik li uni vune, pe oy onoʼox buchʼu muʼyuk chbatik xtok un. Mu ventauk ti jayvoʼ xbatike, li kʼusi mas tsots skʼoplal li ta kampanyae jaʼ ti ta jkʼupil kʼoptatik-o Jeova xchiʼuk jech chkakʼtik ta ilel ti oy slekil yoʼontone (Sal. 145:3, 7; Apok. 22:17).
3. ¿Kʼuxi ta jpuktik li uni vunetik sventa asambleae?
3 Jaʼ me tsnopik li moletik ta jtsobobbailtik kʼuxi ta jpuktik li uni vunetik sventa epuk xichʼ pukel li ta naetike, mi chkiktatik ti butik chʼabal yajvale o mi ta jpuktik ta cholmantal ta buyuk noʼox xchiʼuk li grupo ti jaʼ onoʼox te chchol mantal li jtsobobbailtike. Li ta jujun sabado xchiʼuk domingoe jmoj chkakʼtik xchiʼuk li revistaetik mi sta-o chkiltike. Kʼalal mi tsuts li kampanyae xijmuyubaj me tajek ta skoj ti tsots lij-abtej xchiʼuk ti la jtaktik ta ikʼel krixchanoetik ti kʼu yepal xuʼ kuʼuntike, yuʼun jmoj ta jmakʼlin jbatik li ta mantal chakʼbutik Jeovae.